Posted: 11/30/2012 06:51 PM IST

సొంత ఇంటి కల, ఆర్ధిక పరిస్థితులకు అతీతంగా ప్రతీ ఒక్కరి ఆకాంక్ష... ఇక దిగువ మధ్య తరగతి వారికైతే, సిటీ లో సొంత ఇల్లు ఒక వరం... ఈ వరాన్ని అందించడానికి, జవహర్లాల్ నెహ్రు పట్టణ పునర్నిమాణ పధకం కింద కేంద్ర ప్రభుత్వం జేహెచ్ఏంసి కి 51, 340 ఇళ్ళను 2007 - 08 లో మంజూరు చేసింది... నేటికి, మన అధికారుల చాలవ వల్ల  ఇంకా 6, 009 ఇళ్ళ నిర్మాణం పూర్తీ కావలసి ఉంది. ఇలా నత్త నడకన సాగుతున్న నిర్మాణం ఒక వైపు అయితే,  ఇళ్ళ నిర్మాణాలకి కావలసిన సిమెంట్, ఇటుకలు, లబ్దిదారులకు బ్యాంకులు అందించే రుణ సదుపాయాలూ,  ఇవన్ని కూడా అంతంత మాత్రంగానే ఉన్నాయి. ఇటు వంటి పరిస్థితుల్లో ఇంకొక కొసమెరుపు వంటి వార్త వెలుగులోకి వచ్చింది..

'దిగువ మధ్యతరగతి వారికి సొంత ఇళ్ళు, అది కూడా ఏంతో చవకగా, సులువైన రుణ సదుపాయాలతో... ఇంతకన్నా సదవకాశం ఇంకొకటి ఉంటుందా? కానీ మాకొద్దు'... అంటున్నారు, లబ్దిదారులు... ప్రభుత్వం నిర్మించిన ఈ ఇళ్ళల్లో తాము ఉండటానికి ఆసక్తి చూపడం లేదు అని అపష్టం చేస్తున్నారు... ఎందుకు అంటారా.

పిచ్చుక గూళ్ళను తలపించే ఇళ్ళు, సిటీకి ఏంటో దూరం అంటే, కీసర, ఘటకేసర్, శంషాబాద్ ప్రాంతాలలో ఉన్న ఈ ఇళ్ళను కొనుగోలు చేసి, సొంత ఇంటి కలను నెరవేర్చుకున్నా, దిగువ మధ్యతరగతి వారు, రోజు వారీ పనులకు, అంత దూరం నుండి సిటీకి రావడం అనేది ఏంతో సమయం, ఖర్చుతో కూడుకున్న పని... అందునా, ఈ ఇళ్ళు నిర్మించిన ప్రాంతాలలో కనీస సదుపాయాలు కూడా అంతంతమాత్రంగానే ఉన్నాయి... అందుకే, 'మా సొంత ఇంటి కల కలగానే ఉండనివ్వండి... ఇంట ఖర్చు పెట్టి మేము నిజం చేసుకోలేం' అంటున్నారు, లబ్దిదారులు. ఇక ఎన్నో వందల కోట్లు ఖర్చుపెట్టి నిర్మిచిన ఈ ఇళ్ళు ఎవరిపాలు అవుతాయో వేచి చూడటం తప్ప, చేసేది ఏమి లేదు.