Posted: 11/29/2012 12:37 PM IST

'ఆధారే' అన్నిటికీ ఆధారం' అన్న ప్రభుత్వపు ఆదేశాలు, ఏంతో మందికి అడ్డదారుల్లో ధన లాభం తెచ్చిపెడుతోంది. 'ఆధార' కార్డును ఇచ్చే కేంద్రాలలో, కార్డు పేరిట ప్రజలని సంబంధిత అధికారులు నిలువు దోపిడీ చేస్తున్న వైనం ఆలస్యంగా వెలుగులోకి వచ్చింది... ప్రముఖ ఛానల్ చొరవ వల్ల ఈ విషయం ఇప్పటికైనా బయట పడింది. ఈ ఛానల్ సిబ్బంది, హైదరాబాద్ లో ని ఈ.సి.ఐ. యల్. లోని 'ఆధార్' కేంద్రంలో తమకి కార్డు కావలి అంటూ, తీగ లాగి, మొత్తం విషయాన్ని బయటపెట్టారు. అసలు

ఈ 'ఆధార్' కథ ఏంటంటే.హైదరాబాద్ లో ని ఈ.సి.ఐ. యల్. లోని 'ఆధార్' కేంద్రంలోని భాగోతం ఇది. ఇక్కడ 'ఆధార్' కార్డుల పంపకం ఒక వ్యాపారం. ఇక్కడ బ్రోకేర్లదే రాజ్యం. వీరు ఏం చెబితే అది చేస్తారు, ఇక్కడి అధికారులు... అసలు, ప్రభుత్వం ఆదేశాల ప్రకారం, 'ఆధార్' కార్డును పొందడానికి ఎటువంటి అదనపు రుసుము చెల్లించనవసరం లేదు... అధికారులు అడిగిన వివరాలు పూర్తిగా ఇస్తే చాలు.

అయితే, ఈ కార్యాలయంలో మాత్రం, కార్డుకు ఫోటో దిగాలంటే, కనీసం వంద రూపాయలు సమర్పించుకోవాలి.ఆ ఫోటో త్వరితి గతిన కార్డు రూపం దాల్చాలి అంటే ఇంకొక అయిదు వందల వరకు స్వాహ అవుతాయి. ముందుగా ఇక్కడి కార్యాలయం ప్రాంతం లో ఉండే బ్రోకర్లను సంప్రదిస్తే, వీరు సంబంధిత అధికారుల తో ఒప్పందం కుదుర్చుకుని, ప్రజల దగ్గరినుండి డబ్బు తీసుకుని, తరువాత కార్డు చేయించే పనిలో పడతారు.అంటే, ఇక్కడ కేవలం బ్రోకర్లె కాదు, అధికారులు కూడా లంచానికి అలవాటు పడ్డవారే... అంతే కాదు, కొన్ని సంస్థలు తమ ఎంప్లాయీస్ అందరికి ఒకేసారి 'ఆధార్' కార్డులు ఇప్పించదలిస్తే, దీనికి కూడా, సేపెరేటుగా ఒక ప్యాకేజి ఉందట. అయితే, ఈ భాగోతం అంతా బయటపడ్డ తరువాత, అధికారులు రంగంలోకి దిగారు.. 'ఆధార్' కార్డు అందరి ప్రధమ హక్కు అని, దీని కోసం ఎటువంటి డబ్బు, ఎవ్వరికీ చెల్లించనవసరం లేదు అని స్పష్టం చేసింది... ఏది ఏమైనా, 'ఆధార్' కార్డు కోసం సంప్రదిన్చేవారు, తస్మాత్ జాగ్రత్త.