Posted: 11/23/2012 12:57 PM IST

పవన్ కళ్యాణ్ కి చాలా రోజుల తరువాత  హిట్ ఇచ్చిన సినిమా గబ్బర్ సింగ్. ఈ సినిమాకి సీక్వెల్ కూడా వస్తుందని చాలా రోజుల నుండి వార్తలు వస్తున్న విషయం తెలిసిందే. ఈ గబ్బర్ సింగ్ సీక్వెల్  దబాంగ్ -2 తో సంబంధం లేకుండా హరీష్ శంకర్ కొత్త కథ రాస్తాడని, దీనికి టైటిల్ కూడా పెట్టారనే వార్తలు ఫిలింనగర్లో  వినిపించాయి. ‘గబ్బర్ సింగ్ ఇన్ హైదరాబాద్ అనే టైటిల్ కూడా పెట్టినట్లు వార్తలు వచ్చాయి. ఎట్టకేలకు ఇన్ని రోజుల తరువాత ఈ వార్తల పై స్పందించిన హరీష్ శంకర్ మాట్లాడుతూ... ఈ సినిమా పై ఇంకా ఎలాంటి నిర్ణయం తీసుకోలేదని, దీని పై నిర్ణయం తీసుకునేది పవన్ కళ్యాణ్ మాత్రమేనని, ఆయన నిర్ణయిస్తేనే ఈ చిత్రం తెరకెక్కుతుంద ని చెప్పాడు. ఒక వేళ సీక్వెల్ వస్తే గనుక ఇప్పుడు ప్రచారం లో ఉన్న టైటిల్ మాత్రం పెట్టనని, దానికి వేరే టైటిల్ ఉందని ఉంటున్నాడు. మరి దీని పై పవన్ కళ్యాణ్ దబాంగ్ 2 సినిమా రిలీజ్ అయిన తరువాత నిర్ణయం తీసుకుంటాడా ? లేక సీక్వెల్ అనే నిర్ణయాన్ని పక్కకు పెడతాడో చూడాలి. ప్రస్తుతం ఆయన త్రివిక్రమ్ సినిమా కోసం సన్నద్ధం అవుతున్నాడు .