Posted: 11/23/2012 12:52 PM IST

మాస్టర్ బ్లాస్టర్ సచిన్ టెండూల్కర్ గురించి ఈ మధ్య ఏదో ఒక వార్త వస్తూనే ఉంది. ముఖ్యంగా గత  కొద్ది రోజులుగా అతని రిటైర్డ్ మెంట్ గురించి. ఇప్పుడు కూడా మళ్లీ అవే వార్తలు బయలు దేరాయి. ప్రస్తుతం భారత్ ఇంగ్లాండ్ ల మధ్య టెస్ట్ సిరీస్ జరుగుతుంది. ఇందులో మొదటి టెస్టులో భారత్ ఘన విజయం సాధించింది. తరువాత టెస్టు తన సొంత మైదానం అయిన వాంఖడే స్టేడియంలో జరగబోతుంది. ఇలాంటి సమయంలో సచిన్ టెండుల్కర్‌కు వాంఖేడేలో ఆఖరి మ్యాచ్ కావొచ్చుననే వార్తలు వస్తున్నాయి. దీంతో అందరి దృష్టి మాస్టర్ వైపు మరలింది. సచిన్ తన సొంత మైదానంలో ఆడే మ్యాచ్ ఇదే ఆఖరి టెస్ట్ అవుతుందని అంటున్నారు. సచిన్ వాంఖేడే స్టేడియంలో ఇప్పటి వరకు తొమ్మిది మ్యాచ్‌లు ఆడాడు. ముంబయిలోని బ్రాబోర్న్ స్టేడియంలో ఒక మ్యాచ్ ఆడాడు. త్వరలో ఆస్ట్రేలియాతో సిరీస్ ఉంది. అయితే ఆసీస్‌తో జరిగే మ్యాచ్‌లలో ముంబయి వేదికగా ఏ టెస్టు జరగటం లేదు. అంటే సచిన్ రిటైర్డ్ మెంటు ప్రకటించే లోపు మళ్ళీ ఇక్కడ మ్యాచ్ జరగక పోవచ్చు. దాంతో పలువురు సచిన్ కి చివరి టెస్టు అంటున్నారు.