Posted: 11/12/2012 07:56 PM IST

తెలంగాణ జేఏసీ ఛైర్మన్ కోదండరామ్ గతంలో ఇక మంత్రులనే టార్గెట్ చేసుకొని పని చేస్తామని ప్రకటించిన విషయం తెలిసిందే. రాజకీయ నాయకులు ప్రతిపక్షాల పై, ప్రతి పక్షాలు ప్రభుత్వం పై ఇతర పార్టీ నాయకుల ఎన్నో వ్యాఖ్యలు చేస్తుంటారు. కానీ ఎటువంటి రాజకీయ పార్టీ నాయకుడు కాకుండా, ఒక ఉద్యమ నేత అయిన కోదండరామ్ మంత్రులను టార్గెట్ ఉద్యమం చేస్తామని, ఆ ప్రకారమే ఆచరణలో పెడుతున్నట్లుగా కనిపిస్తుంది. ఈయన ఓ సమావేశంలో మాట్లాడుతూ.... మంత్రి గీతారెడ్డి తల్లి ఈశ్వరిబాయిని ప్రశంసిస్తూ గీతారెడ్డిని విమర్శించిన తీరు అంత బాగున్నట్లు లేదు. అసెంబ్లీ ముందు తెలంగాణ అమరవీరుల స్థూపం కోసం కృషి చేసిన మంత్రి గీతారెడ్డి తల్లి స్వర్గీయ ఈశ్వరీబాయి ఏనాడు కుర్చీ కోసం పాకులాడలేదు. ఆమె కడుపులో గీతారెడ్డి ఎలా పుట్టిందో!? తల్లి పేరుకు మచ్చ తేవడమంటే ఇదే అని కోదండరాం వ్యాఖ్యానించాడు. అయితే ఈ వ్యాఖ్యలు ఇప్పుడు పెద్ద దుమారాన్నే రేపుతున్నాయి. కొదండరామ్ చేసిన వ్యాఖ్యల పై పలువురు మండి పడుతున్నారు. భేషరతుగా కోదండరామ్ క్షమాపణ చెప్పాల్సిందేనంటున్నారు. కోదండరామ్ తన మొదటి టార్గెట్ ని ఓ మహిళా మంత్రి పై పెట్టడం ఆయనకు ఇబ్బందే అని రాజకీయ విశ్లేషకులు అంటున్నారు.