Posted: 09/14/2012 06:20 PM IST

ఈ రోజుల్లో సొంత ఇంట్లో మనిసినే నమ్మే రోజు పోయాయి. ఇక పార్టీల  నాయకుల సంగతి అందరి తెలిసిన విషయమే. ఎవరు మంచి నాయకుడో, ఎవరు చెడ్డనాయకుడో , ఎవ్వరికి తెలియాదు. అందరు కలిసి ఆ పార్టీలో ఉంటారు కానీ  సమయం వచ్చినప్పుడు ఒకరిపై ఒకరు కత్తులు దూసుకుంటారు. ఈ విషయంలో జాతీయ పార్టీ, ప్రాంతీయ పార్టీ అనే భేదం ఏమి ఉండదు. నమ్మకం అనేది మాత్రం రాజకీయ నాయకుల దగ్గర అసలు దొరకదు? అరగంట ప్రజా సేవ చేసి .. అరవైరోజు ప్రచారం చేసుకునే నాయకులు చాలా మంది ఉన్న విషయం తెలిసిందే. అయితే ఇప్పుడు తెలంగాణ అంశంపై తెలంగాణ మంత్రులను నమ్మలేమని మాజీ మంత్రి, కాంగ్రెసు శానససభ్యుడు కోమటిరెడ్డి వెంకటరెడ్డి అంటున్నారు. తెలంగాణ ఉద్యోగుల పునరంకిత దీక్ష కార్యక్రమంలో ఆయన ఈ విషయాన్ని బయట పెట్టినట్లు తెలుస్తోంది. సీమాంధ్ర మంత్రులనైనా నమ్మవచ్చు గానీ తెలంగాణ మంత్రులను విశ్వసించలేమని రెడ్డిగారు చెప్పటం పై ఆ పార్టీ నాయకులు మండిపడుతున్నారట. తనతో పాటు రాజీనామా చేయడానికి ఒక్క తెలంగాణ మంత్రి కూడా కనిపించలేదని ఆయన చాలా బాధపడినట్లు తెలుస్తోంది. తనతో పాటు ఐదుగురు మంత్రులు రాజీనామా చేసి ఉంటే తెలంగాణ వచ్చి ఉండేదని రెడ్డి చెప్పటంతో తెలంగాణ ఉద్యోగుల మనస్సుల్లో రెడ్డిగా మంచి నాయకుడి ముద్రపడినట్లు తెలుస్తోంది.

కాంగ్రెసు పార్టీ అధ్యక్షురాలు సోనియా గాంధీకి లేఖ రాస్తామంటూ తెలంగాణ మంత్రులు కొత్త నాటకం ఆడుతున్నారని అంతేకాకుండా  తెలంగాణ మంత్రులు రాసే లేఖను సోనియా గాంధీ చదువుతారా అని రెడ్డిగా అన్నమాటలకు సభలో చాలా మంది ఆశ్చర్యంగా చూసినట్లు మీడియా వర్గాలు అంటున్నాయి.  అయితే మన మంత్రులు  ఉద్యోగులను చూసి తల దించుకోవాలని చెప్పటంతో  ఉద్యోగులు కాస్త ఉప్పొంగిపోయినట్లు తెలుస్తోంది. కాంగ్రెసు, తెలుగుదేశం పార్టీలను నమ్మితే మళ్లీ మోసపోవడం ఖాయమని  మాజీ మంత్రి కోమటిరెడ్డి అంటున్నారు.  రెడ్డిగారు మంత్రుల పై చేసిన మాటలపై టీఆర్ఎస్ పార్టీ నాయకులు మండిపడుతున్నారు. తెలంగాణ మంత్రులు పరువు  మీడియా ముందు పోయిందని  తెలంగాణ మంత్రులు బాధపడుతున్నట్లు పార్టీ నాయకులు చెబుతున్నారు.