Posted: 09/10/2012 05:52 PM IST

రాష్ట్రంలో ఉన్న  పార్టీలన్నీ  యాత్రలు చేసిన పార్టీలే .. ఒక్క టీడీపీ తప్ప.   సీఎం పదవి కోసం ..వైఎస్ జగన్  ఓదార్పు యాత్ర చేసిన విషయం తెలిసిందే. అలాగే .. టీఆర్ఎస్ , బీజేపి పార్టీలు కలిసి  తెలంగాణ ఉద్యమా యాత్ర చేస్తున్నాయి. ఇక సీపీఐ సీపియం పార్టీ .. ఇటీవల ప్రజా పోరు యాత్ర సాగించాయి. లోక్ సత్తా  స్వరాజ్యం యాత్ర పేరుతో యాత్ర మొదలు పెట్టింది.  కాంగ్రెస్ పార్టీ .. అయితే .. ఇందిరమ్మ బాట, రచ్చబండ, లాంటి యాత్రలు చేస్తుంది. ఇప్పుడు టీడీపీ చేయబోతున్న నాలుగు నెలల యాత్రకు  .. మంచి పేరు దొరకలేదట.  ఆ యాత్ర టైటిల్ కోసం.. ఆ పార్టీ నాయకులు  ఒక ప్రకటన ఇచ్చినట్లు తెలుస్తోంది. గతంలో  మన టాలీవుడ్ డైరెక్టర్లు  .. మా సినిమా టైటిల్ పెట్టండి .. మీకు బంఫర్ ఫైజ్ ఇస్తామని ప్రకటనలు ఇచ్చేవారు. ఇప్పుడు అదే కోవలో  తెలుగుదేశం పార్టీ  చేరిందని .. రాష్ట్ర ప్రజలు అంటున్నారు. గాంధీ జయంతి రోజున టిడిపి అధినేత చంద్రబాబునాయుడు పాదయాత్ర ప్రారంభించాలని నిర్ణయించారు. ఈ యాత్రకు ఏ పేరు పెట్టాలనే విషయమై పార్టీ నాయకులు చర్చిస్తున్నారు. ప్రజాహితం, జనహితం, కాపాడుకొందాం.. మీ కోసం తో పాటు అనేక పేర్లు పరిశీలనకు వచ్చాయి. అయితే ప్రజల నాలుకలో నానే విధంగా పేరుండాలని పార్టీ అధినేత భావిస్తున్నారు.పాదయాత్రను ఎక్కడి నుండి నిర్వహించాలనే అంశంపై కూడ చర్చ సాగుతోంది. ఆదిలాబాద్ జిల్లాలోని సిర్పూర్ కాగజ్ నగర్ తొలి నియోజకవర్గంగా ఉంది. అయితే ఇక్కడి నుంచి పాదయాత్రను ప్రారంభించి శ్రీకాకుళం జిల్లాతో ముగించాలనే చర్చ సాగింది. దీనిపై ఇంకా నిర్ణయానికి రాలేదు. పార్టీ సీనియర్ నాయకులతో ఈ విషయమై చర్చించాల్సి ఉన్నప్పటికీ వాయిదా పడింది. పేరు, రూట్ మ్యాప్ పై తుదిరూపు వచ్చే అవకాశం ఉందని పార్టీ వర్గాలు అభిప్రాయపడుతున్నాయి.