Posted: 08/16/2012 08:03 PM IST

అల్లరి నరేష్ కు సుడి బాగా ఉన్నట్లు ఉంది.  తన అల్లరి సినిమాతో  ఇంటిపేరు అల్లరిగా మార్చుకొని .. వెండి తెరపై తన అల్లరి చూపించి  తన సినిమాలను విజయం బాటలో నడిస్తున్నాడు. గతంలో  నటుడు డాక్టర్ రాజేంద్ర ప్రసాద్  కామెడీ  సినిమాలు తెలుగు ప్రజలకు ఎంతగానో  ఆదరించాయి. ఇప్పుడు అదే తరహాలో  అల్లరి నరేష్ వస్తున్నాడు. అయితే రాజేంద్ర ప్రసాద్ సినిమాల్లో  ఎక్కువ భాగం  డబుల్ మినింగ్ అర్థలతో.. కొంచెం ఇబ్బందిగా ఉండేవి.  కొంచెం వల్గరుగా సన్నివేశాలు ఉండటంతో  రాజేంద్ర ప్రసాద్ సినిమాలకు క్రేజ్ తగ్గిందని అప్పట్లో టాలీవుడ్ టాక్. ఇప్పుడు అల్లరి నరేష్ కూడా కొంచెం ..అతి.. వల్గర్ పదాలను  రాకుండా చేస్తే ..  అల్లరి నరేష్ మంచి కమెడీ నటుడు అవుతాడని  టాలీవుడ్  ప్రముఖులు అంటున్నారు. త్వరలో  విడుదలకు సిద్దంగా ఉన్న సుడిగాడు  సినిమా పై అప్పడే భారీ కలెక్షన్  కురిపించినట్లు తెలుస్తోంది.  సుడిగాడు ట్రైలర్ చూసిన  ప్రతి ఒక్కరు  భారీ కలెక్షన్లు వసూలు చేస్తుందని  అందరు అంటున్నారు.  ‘‘ఒక సామాన్యుడు జీరో స్టేజ్ నుంచి హీరో స్జేజ్‌కి ఎదిగే క్రమమే ‘సుడిగాడు’. తెలుగులో ఇప్పటివరకూ రాని వినూత్న ప్రయత్నం ఈ సినిమా’’ అంటున్నారు దర్శకుడు భీమినేని శ్రీనివాసరావు.

అల్లరి నరేష్ కథానాయకుడిగా భీమినేని దర్శకత్వంలో డి.చంద్రశేఖర్ నిర్మించిన చిత్రం ‘సుడిగాడు’. ఈ నెల 24న ఈ సినిమా విడుదల కానుంది. సినీరంగం నేపథ్యంలో చాలా సినిమాలొచ్చినా ఇది మాత్రం ప్రత్యేకం. ‘ఒకే టిక్కెట్‌పై వంద సినిమాలు’ అనేది ఈ సినిమాకు ఉపశీర్షిక. దానికి తగ్గట్టుగా ఈ సినిమా ఉంటుంది. 82 సంవత్సరాల సినీ ప్రస్థానంలో వంద సినిమాలకు సంబంధించిన ఏదో ఒక అంశం పేరడీగా ఈ సినిమాలో కనిపిస్తుంది. తెలుగులో వినూత్న ప్రయత్నం ఇది. భారతీయుడు, అపరిచితుడు, గబ్బర్‌సింగ్... ఇలా ఎన్నో రూపాల్లో ఇందులో నరేష్ కనిపిస్తాడు. కడుపుబ్బ నవ్వుకునేలా సన్నివేశాలుంటాయి. అయితే పేరడీ రూపంలో మేం ఎవ్వరినీ టార్గెట్ మాత్రం చేయలేదు. కేవలం నవ్వించడం కోసమే ఈ ప్రయత్నం చేశాం. ఈ సినిమా చూసిన తర్వాత... ఆ హీరోలు కూడా నవ్వుకుంటారు. గతంలో తమిళంలో వచ్చిన ఓ సినిమా దీనికి ప్రేరణ. తెలుగు నేటివిటీకి తగ్గట్టుగా కొన్ని మార్పులు చేశాం. చంద్రశేఖర మంచి అభిరుచి గల నిర్మాత. రాజీ పడకుండా ఈ సినిమాను నిర్మించారు. టీమ్ మొత్తానికి మంచి పేరు తెచ్చే సినిమా అవుతుంది.