Posted: 08/13/2012 02:52 PM IST

ఒకప్పుడు స్టార్ హీరోయిన్స్ ఇప్పుడు  మాజీ హీరోయిన్స్ గా పిలుస్తోన్నారు. కుర్రతనంలో తమ అందాలను వెండితెరపై ఒలకపోసిన  అందాల భామలు  ఇప్పుడు తమ ముదురు అందాలను ఇంటింటికి చూపిస్తున్నారు. టాలీవుడ్  సినిమాల్లో కళ్యాణీ, మీనా, ఆమని, రాశి, రోజా, సిమ్రాన్‌, సంఘవి, రంభ. ఒకప్పుడు ఏలిన ఈ తారలంతా ఇప్పుడు తెరమరుగై బుల్లితెరను నమ్ముకున్నారు. పెళ్లిళ్లు చేసుకుని పిల్లలను కని సంసార భాధ్యతల్లో ఉన్న వీరంతా ఇప్పుడు కొంచెం తీరిక చేసుకుని బుల్లితెరలను ఏలుతున్నారు. అడపాదడపా సినిమాల్లో క్యారెక్టర్ ఆర్టిస్టులుగా అవకాశాలు దక్కించుకుని తామున్నామని చెబుతున్నారు. దశాబ్ధం క్రితం తెలుగుతెరను ఏలిన వీరంతా బుల్లితెరను ఆక్రమించారు. బుల్లితెరపై రియాల్టీషోలు, గేమ్ షోలకు మంచి డిమాండ్ ఉంది. దానికి మరింత ఊపు రావాలంటే సెలబ్రిటీలు నిర్వహిస్తే రేటింగ్ వస్తుంది.

బహుమతులు వచ్చే కార్యక్రమాలు కాబట్టి ప్రేక్షకులు ఆసక్తిగా చూస్తారు. ఒకప్పుడు లక్షల్లో పారితోషికం తీసుకున్న వీరికి బుల్లితెరపై దక్కేది తక్కువే అయినా ఖాళీగా ఉండేకంటే ఇదే మంచిదని వారు చేస్తున్నారు. ఒక్కో ఎపిసోడ్ కు రూ.25 వేల నుండి రూ.50 వేల వరకు ఛార్జ్ చేస్తున్నారు. రోజుకు మూడు ఎపిసోడ్ లు చేసినా నెలకు తక్కువలో తక్కువ 15 ఎపిసోడ్ లు ఉంటాయి. త్వరలోనే నటి స్నేహ కూడా ఓ షో ప్రారంభించనున్నట్లు సమాచారం. హీరో జగపతిబాబు, సాయికుమార్, హస్యనటుడు బ్రహ్మానందం, అలీ, గుండు హనుమంతరావు ఇలా చాలా మంది బుల్లితెరపై నటిస్తున్నారు.