Posted: 08/13/2012 02:35 PM IST

టాలీవుడ్ లో ముఖ్యంగా  ఇద్దరు హీరోలకు అభిమానులు ఎక్కువ రేంజ్ లో ఉన్నట్లు తెలుస్తోంది. ఆ ఇద్దరు హీరోలు మంచి మిత్రులు. అయితే ఇప్పుడు ఆ ఇద్దరి మద్య మంచి పోటీ ఉందని టాలీవుడ్ వాసులు అంటున్నారు.  మంచి దూకుడు మీద ఉన్న మహేష్ బాబు . తన పవర్ ఏంటో  చూపించిన  పవన్ కళ్యాణ్.  మహేష్ బాబు  వరుస విజయాలతో  ఆనందంగా ఉన్నాడు. పవన్ కళ్యాణ్ ఒక్క గబ్బర్ సింగ్ హిట్ తో మళ్లీ తన పవర్ ఏంటో చూయించాడు. మొత్తానికి విజయాలకే మొహం వాచిన పవన్ గబ్బర్ సింగ్ తో తెలుగు సినిమా పరిశ్రమలో తన రేంజ్ ఏంటో చూయించాడని టాలీవుడ్ ప్రముఖులు అంటున్నారు.

అందుకే పవన్ – పూరీల కలయికలో వస్తున్న ‘కెమెరామెన్ గంగతో రాంబాబు’ చిత్రానికి మంచి క్రేజ్ ఏర్పడుతుందని  టాలీవుడ్ లో అంచాలు వేస్తున్నారు. ఈ సంగతి పక్కన బెడితే పవన్ కళ్యాణ్ అత్యధిక రెమ్యునరేషన్ తీసుకుని ప్రిన్స్ మహేష్ బాబును  పవన్ వెనక్కి నెట్టేసినట్లు తెలుస్తోంది. ఇదీ ఫిల్మ్ నగర్ తాజా హాట్ టాపిక్. ఇప్పుడు పవన్ రేటు రూ.15 కోట్లు. ప్రిన్స్ రూ.10 కోట్ల వరకు తీసుకుంటున్నాడు. ఇక మిగిలిన తెలుగు హీరోలంతా దీనికి చాలా దూరంగానే ఉన్నారు. ఓవర్సీస్, కేబుల్ హక్కులతోనే భారీ మొత్తాలు వస్తుండడంతో ఈ హీరోలకు అత్యధిక పారితోషికం వర్కవుట్ అవుతోంది. ఇక తమిళ హీరో సూర్య కూడా రూ.15 కోట్లు పారితోషికం తీసుకొని అగ్రశ్రేణి నాయకుడిగా వెలుగొందుతున్నాడు.  మొత్తం మీద టాలీవుడ్ లో టాప్ రేంజ్ లో  పవన్ ఉన్నట్లు గణపతి కాంప్లెక్స్ దగ్గర సినీ ప్రజలు అనుకుంటున్నారు.