Posted: 08/09/2012 05:22 PM IST

లోక్ సత్తా పార్టీ అధినేత జయప్రకాష్ నారాయణ.. కొత్త వారితో  పొత్తు పెట్టుకుంటున్నాడు.  అయితే రాజకీయ పొత్తు మాత్రం కాదండోయ్ .. ఒక ప్రముఖ దర్శకుడుతో  కలిసి  జేపీ పొత్తు పెట్టుకుంటున్నట్లు తెలుస్తోంది.  ప్రముఖ దర్శకుడు రాజమౌళి ఈ రోజు'సురాజ్య ఉద్యమం' ప్రారంభించనున్నట్లు తెలుస్తోంది. ప్రభుత్వ పాలనలో తమ హక్కులపై ప్రజల్లో చైతన్యం తేవటం లక్ష్యంగా లోక్ సత్తా పార్టీ చేపడుతున్న 'సురాజ్య ఉద్యమం' ప్రారంభం చేస్తున్నారట. ఈ ఏడాది డిసెంబర్ 9 వరకూ నిర్వహించనున్న ఈ ఉద్యమాన్ని గురువారం సాయింత్రం ఐదు గంటలకు లోక్ సత్తా పార్టీ జాతీయ అధ్యక్షుడు జయప్రకాష్ నారాయణ,ఎస్.ఎస్ రాజమౌళి  ప్రారంబిస్తారనే వార్తలు వస్తున్నాయి. ఇక గతంలోనూ రాజమౌళి లోక్ సత్తాకు సపోర్టు చేస్తూ ప్రచారం చేసిన విషయం తెలిసిందే. అయితే  నైతికవిలువలు ఉన్న పార్టీ అంటూ లోక్ సత్తా జెండ్ భుజాన ఎత్తుకున్ననని రాజమౌళి చెబుతున్నాడు.  

అవినీతిరహిత పాలన రావాలంటే లోకసత్తా వల్లే సాధ్యమవుతుందంటూ  రాజమౌళి పిలుపునిచ్చినట్లు మీడియా వర్గాలు అంటున్నాయి. అయితే జనం నుంచి ఊహించిన విధంగా స్పందన రాకపోవటం కొంత నిరాశగా ఉందని రాజమౌళి తన సన్నిహితులతో అంటున్నట్లు ఫిలింనగర్ టాక్. మరో ప్రక్క ఆయన క్రియాశీల రాజకీయాల్లోకి భవిష్యత్ లో వస్తానని చెప్పటం ఈ రోడ్ షో ఆ మాటలకు ఊతమిచ్చింది. రాజమౌళే కాకుండా  ప్రముఖ సంగీత దర్సకుడు కీరవాణి, ఆయన భార్య కూడా లోక్ సత్తా పార్టీ తరుపున ప్రచారంలో తిరుగుతున్నరని మీడియా వర్గాలు అంటున్నాయి ఇంక రాజమౌళి తాజాగా ఈగ విజయాన్ని ఆస్వాదిస్తున్నారు. లోక్ సత్తా నాయకుడు జయప్రకాష్ నారాయణ ఈగ సినిమా చూసి రాజమౌళిని ప్రసంచింనట్లు పార్టీ నాయకులు అంటున్నారు. జేపీ నుంచి తనకు ఊహించని కాల్ వచ్చిందని రాజమౌళి ట్వీట్ చేసినట్లు తెలుస్తోంది. అయితే జేపి నాకు  ఫోన్ చేసి కంగ్రాట్స్ చెప్పారంటూ రాజమౌళి ఉద్వేగంగా ఫిలింనగర్ అందరి చెప్పుకుంటున్నరనే టాక్ వినిపిస్తుంది.  ఇక రాజమౌళి సినిమాలు కూడా  ఉద్యమ పోరాటం సినిమా తీస్తాడమేనని  ఫిలింనగర్ వాసులు గుసగుసలాడుకుంటున్నారు.