Posted: 08/02/2012 06:57 PM IST

ఒకవైపు జగన్  జైల్లో ఉండగా, పార్టీ ని విస్తరించడానికి ప్రయత్నాలు ప్రయత్నిస్తున్నాడు బాబాయ్ వైఎస్ వివేకానందరెడ్డి. ఈ మేరకు అనంతపురం జిల్లాలో పర్యటిస్తూ…ఔత్సాహికులను, ప్రత్యర్థి పార్టీలో నిరుత్సాహ పరులను తమ పార్టీలో కి ఆహ్వానిస్తూ పార్టీని పటిష్ట పరిచే ప్రయత్నాలు ప్రారంభించినట్లు  వైఎస్ వివేకానందరెడ్డి అభిమానులు అంటున్నారు. వైఎస్ఆర్ కాంగ్రెస్ పార్టీకి అంత నాయకత్వ బలం లేని నియోజకవర్గాల్లో వివేకానంద రెడ్డి పర్యటిస్తున్నట్లు తెలుస్తోంది. హిందూపురంనియోజక వర్గం పరిధిలో పర్యటించిన వివేక టీడీపీ మాజీ ఎమ్మెల్యే పామిశెట్టి రంగనాయకులను ఆయన నివాసంలో కలిసినట్లు పార్టీ వర్గాలు అంటున్నాయి. అయితే  మర్యాదపూర్వకంగానే కలిశామని, రాజకీయాల గురించి చర్చించలేదని వివేక చెబుతున్నాడట. రంగనాయకులు మాట్లాడుతూ వివేకానందరెడ్డి అతిథిగానే తన ఇంటికి వచ్చారు.  అంతకుమించి కారణాలేవీ లేవని చెబుతున్నారట.  

అయితే  ఆయన ఎమ్మెల్యేగా ఉన్న సమయంలోదివంగత వైఎస్ రాజశేఖరరెడ్డి రాష్ట్ర వ్యాప్తంగా ఎమ్మెల్యేల ప్రవర్తనపై సర్వే చేయించారని, తాను నిజాయితీపరునిగా గుర్తింపు పొందానని  చెప్పటం కొంత అనుమానాలు వ్యక్త మవుతున్నాయి. ఈ విషయాన్ని వైఎస్… మంత్రుల వద్ద కూడా ప్రస్తావించటం కూడా జరిగిందని ఆయన చెబుతున్నారు. అయితే  ఈ సంఘటనను తాము గుర్తు చేసుకున్నట్లు చెప్పారు. రంగనాయకులను పార్టీలోకి రావాల్సిందిగా వివేక ఆహ్వానించినట్టు పార్టీ వర్గాలు అంటున్నాయి.   మరి ఇది ఏ మేరకు సఫలం అయ్యిందో కొంత కాలం గడిస్తే కానీ తెలియదని వైసీపీ పార్టీ నాయకులు అంటున్నారు.  అలాగే హిందూపురం లోని పలువురు తెలుగుదేశం నాయకులను వివేక ప్రత్యేకంగా కలిసినట్లు తెలుస్తోంది. టీడీపీలోని అసంతృప్తి వర్గంపై వైఎస్ఆర్ కాంగ్రెస్ కన్నేసిందని రాజకీయ పార్టీ వర్గాలు అంటున్నాయి .ఆ మేరకు వివేక సమావేశాలు జరుపుతున్నట్లు .. జగన్ పార్టీ నాయకులు అంటున్నారు.