Posted: 08/01/2012 06:54 PM IST

చిన్న హీరో కు పెద్ద కష్టం వచ్చి పడింది? ఆ హీరో  బాధ ఎవరితో చెప్పుకున్నప్పటికి తీరటంలేదట.  ఆ  హీరో కొనుకున్న స్థలం కబ్జాకు గురికాకుండా చూడాలని కోరుతూ సినీ నటుడు కృష్ణుడు రాష్ట్ర మానవ హక్కుల సంఘాన్ని ఆశ్రయించారు. మణికొండలో తన స్థలాన్ని కొందరు నేతలు కబ్జా చేసేందుకు ప్రయత్నిస్తున్నారని ఆయన ఫిర్యాదు చేశారు. తాను ఎంతో కష్టపడి సంపాదించిన డబ్బుతో ఈ స్థలం కొనుక్కున్నానని తెలిపారు. తనలో పాటు మరో 20 మంది ఇక్కడ స్థలాలు తీసుకున్నారని పేర్కొన్నారు.

హైదరాబాదు శివారు  మణికొండ హనుమాన్ నగర్ కాలనీలో  రూ. 60 కోట్లు విలువ  చేసే తన భూమిని  కొందరు  స్థానిక నేతలు రాజకీయ అండతో  ఆక్రమించాలని చూస్తున్నట్లు ఫిర్యాదు చేసినట్లు తెలుస్తోంది. హోం మంత్రి సబితా ఇంద్రారెడ్డి తనయుడు కార్తీక్ రెడ్డి పేరు చెప్పి తమను కొంతమంది స్థానిక నాయకులు బెదిరిస్తున్నారని కృష్ణుడు గతంలో వాపోయారు. అయితే వీరి వెనుక కార్తీక్ రెడ్డి ఉన్నారని తాము చెప్పడం లేదన్నారు. ఆయన పేరు చెప్పుకుని కొంత మంది స్థానిక నేతలు తమను బెదిరిస్తున్నారని మాత్రమే తాము చెప్పామని స్పష్టం చేశారు. ఈ విషయమై హోంమంత్రిని కలిసినా ప్రయోజనం లేకపోయిందని వాపోయారు. అయితే నాలుగు రోజుల క్రితం ఏబీఎన్ ఇంటర్వూలో హోంమంత్రి కుమారుడి పేరు చెప్పడం పట్ల హోంమంత్రి సబితా ఇంద్రారెడ్డి కృష్ణుడుని తప్పుపట్టినట్లు సమాచారం. ఈ కబ్జా వెనుక కార్తీక్ రెడ్డి ఉన్నాడా ? లేడా ? అన్న విషయం పక్కనపెడితే ఎవరో బలమయిన నాయకుడి హస్తం ఉందన్నది మాత్రం స్పష్టమవుతోంది. సెలబ్రిటీల పరిస్థితే ఇలా ఉంటే ఇక సామాన్య జనం పరిస్థితి ఎలా ఉంటుందో ?   కబ్జాకు ప్రధాన  సూత్రధారులైన  ఎల్లారెడ్డి, సాయి రెడ్డిలు తనను బెదిరిస్తున్నారన్నారు.  దీనికి స్పందించి కమిషన్ 21 వ తేదీలోగా సమగ్ర నివేదిక  ఇవ్వాలని  రంగారెడ్డి జిల్లా కలెక్టర్  , సైబరాబాద్  కమిషనర్ లను ఆదేశించినట్లు తెలుస్తోంది.