Posted: 07/31/2012 07:32 PM IST

ఒకప్పుడు బాలీవుడ్ ని ఏలిన హీరోయిన రాణిముఖర్జీ  గుర్తుందా ? ఈ అమ్మడు పేరు  వినగానే కుర్రకారు గుండెల్లో గుబులు పుట్టేది. ఆమె అందాలకు  దాసోహం  అయినవారు లేకపోలేదు. అంటువంటి భామ ఈ మధ్య కాలంలో  బాలీవుడ్ సినిమాల్లో కనిపించడం లేదు. కారణం ఏంటేంటే.. మార్కెట్లోకి కొత్త కొత్త అందాలు రావడమే. అవకాశాలు లేక ఖాళీగా ఉన్న రాణీ ముఖర్జీ మనస్సు పెళ్లి మీదకి మళ్ళింది. ఈ భామ గత కొంత కాలంగా  ప్రముఖ నిర్మాత ఆదిత్య చోప్రాతో ప్రేమాయణం నడుపుతోందని బాలీవుడ్ వార్తలు. తాజాగా ఈ ఇద్దరు రహస్యంగా పెళ్లి చేసుకున్నారనే గాసిప్స్ వినిపిస్తున్నాయి. అయితే ఈ విషయాన్ని కావాలనే రహస్యంగా ఉంచుతున్నారని, రాణి ముఖర్జీ రాబోయే సినిమా తలాష్ కోసం పెళ్లి విషయాన్ని రహస్యంగా ఉంచుతున్నారని బాలీవుడ్ టాక్.

రాణి ముఖర్జీ మాత్రం ఈ పెళ్లి వార్తలపై క్లారిటీ ఇవ్వడం లేదు. అటు ఆదిత్య కూడా నోటికితాళం వేసుకుని కూర్చున్నాడు. దీంతో ఈ వార్త నిజమే కావచ్చనే అనుమానాలు రేకెత్తుతున్నాయి.. బాలీవుడ్ జనాలు మాత్రం ఈ అందమైన హీరోయిన్లకు సెకండ్ హ్యాండ్ వాళ్ళు తప్ప ఎవరూ దొరకరా అని అనుకుంటున్నారు. .