Posted: 07/27/2012 12:40 PM IST

       అనంతపురం జిల్లాలో టిడిపిని తిరిగి బలోపేతం చేసే దిశగా ఆ పార్టీ అధిష్టానం అడుగులేస్తోంది. ఇందులో భాగంగానే పరిటాల రవి ప్రధాన అనుచరుడిగా ముద్రపడ్డ చమన్ ను రంగంలో దించింది . పరిటాల రవి హాత్యానంతరం చమన్ అజ్ఘాతంలోకి వెళ్ళారు. ఏడాది క్రితం చమన్ పోలిసులకు దొరికాడు. చమన్ పై ఉన్న కేసులన్ని న్యాయస్థానాలు కొట్టివేశాయి. దీంతో అనంతపురం జిల్లా రాజకీయాల్లో క్రియాశీలకంగా వ్యవహారించాలని చమన్ భావిస్తున్నారు.   పార్టీకి కంచుకోటలాంటి అనంతపురం జిల్లాలో పరిటాల రవి మరణం తర్వాత ఇబ్బందికర పరిస్థితులు నెలకొన్నాయి. పరిటాల రవి అనుచరుల్లో ఒకరిద్దరూ పార్టీకి దూరమైన ఘటనలు కూడ చోటుచేసుకొన్నాయి. దీంతో పరిటాల రవి అనుచరుడు చమన్ ను అనంతపురం జిల్లాలో క్రియాశీలక రాజకీయాల్లోకి రావాలని కోరుకొంటున్నారు. దీంతో టిడిపి అధిష్టానం చమన్ ను రంగంలోకి దింపాలని నిర్ణయించింది. ఇందులో భాగంగానే  పరిటాల రవి సతీమణి సునీత సహా ఆ జిల్లాకు చెందిన పార్టీ నాయకులతో కలిసి చమన్ టిడిపి అధినేత చంద్రబాబునాయుడును కలిశారు.
    అనంతపురం జిల్లా నాయకులతో చర్చించి చమన్ కు బాద్యతలను కేటాయించాలని బాబు నిర్ణయం తీసుకొన్నారు. అజ్ఘాత జీవితాన్ని గడిపి బయటకు వచ్చిన చమన్ కు పరిటాల రవి కుటుంబానికి కొంత అగాధం ఉందనే ప్రచారం కూడా జరుగుతోంది. అయితే ఈ ప్రచారాన్ని చమన్ కొట్టిపారేస్తున్నారు. అనంతపురం జిల్లాలో టిడిపిని మరింత బలోపేతం చేసేందుకు చమన్ పాత్ర ఏ మేరకు పనిచేస్తోందో చూడాలి.

...avnk