Posted: 07/25/2012 05:47 PM IST

రాష్ట్రంలో మహా భారత యుద్ధం సాగుతోందని సినీ నటుడు, మాజీ ఎంపీ డాక్టర్ ఎం మోహన్ బాబు వ్యాక్యానించారు. అక్రమాస్తుల కేసులో అరెస్టు అయి చంచల్‌గూడ జైలులో ఉన్న వైఎస్ఆర్ కాంగ్రెస్ పార్టీ అధినేత వైఎస్.జగన్మోహన్ రెడ్డితో ఆయన చంచల్‌గూడ జైలుకెళ్లిన మోహన్‌బాబు.. జైలు ములాఖత్ సమయంలో సమావేశమై పరామర్శించినట్టు తెలుస్తోంది.  మాజీ రాజ్యసభ సభ్యుడు డాక్టర్‌ మోహన్‌బాబు, ఆయన కుమారుడు విష్ణువర్థన్‌ కలిశారు. జగన్‌ను కలవడంలో ఎటువంటి రాజకీయ ఉద్దేశం లేదని, తమ మధ్య ఉన్న బంధుత్వం కారణంగానే జగన్‌ను పరామర్శించడానికి జైలుకు వచ్చినట్లు మోహన్‌బాబు పేర్కొన్నారు. కాంగ్రెస్‌ పార్టీ కుట్ర కారణంగానే సీబీఐ వైఎస్‌ జగన్‌ను అక్రమంగా కేసులో ఇరికించిదని ఆయన ఆవేదన వ్యక్తం చేశారు. కాంగ్రెస్‌ ఢిల్లీ పెద్దలు శకుని రాజకీయాలు నడుపుతూ జగన్‌ను రాజకీ యంగా అప్రతిష్టపాలు చేయడానికి ప్రయత్నిస్తున్నారని ఆయన విమర్శించా రు. త్వరలోనే జగన్‌ నిర్దోషిగా బయటికొస్తారని ఆశాభావం వ్యక్తం చేశారు. జగన్‌తో పాటు నిమ్మగడ్డ ప్రసాద్‌ను కూడా కలిశానని ఆయన చెప్పారు. బరువైన గుండెతో వెళుతున్నానని చెప్పారు.  మహాభారతంలో ఒక్క శకునిని మాత్రమే చూశామని, కానీ, ఇపుడు ఢిల్లీలో కొంత మంది శకునులను చూస్తున్నామని మోహన్ బాబు అన్నారు. మహాభారత యుద్దంలో చివరకు సత్యమే గెలిచిందని, అలాగే, జగన్ విషయంలోనూ సత్యమే గెలుస్తుందన్నారు. త్వరలో మంచి రోజులు వస్తాయని ఆయన అన్నారు. మ్యాట్రిక్ ప్రసాద్‑ను కూడా కలిసినట్లు మోహన్ బాబు చెప్పారు. జగన్‌తో పాటు.. మ్యాట్రిక్ ప్రసాద్ త్వలోనే బయటకు వస్తారన్న విశ్వాసం తనకు ఉందన్నారు. జగన్, మ్యాట్రిక్ ప్రసాద్‌లు తప్పులు చేశారా లేదా అన్నది ఆ భగవంతునికే తెలుసన్నారు.