Posted: 07/07/2012 06:38 PM IST

రాష్ట్రంలో ఎన్నికలు ఎపుడైనా జరగొచ్చని వైఎస్.విజయలక్ష్మి జోస్యం చెప్పారు. వైఎస్ఆర్ సీపీ కార్యవర్గ సమావేశం జరిగింది. ఇందులో ఆమె ప్రసంగిస్తూ... ప్రజల గుండెల్లో నిలవటమే జగన్మోహన్ రెడ్డి చేసిన తప్పా అని ప్రశ్నించారు.సీబీఐ కోర్టును తప్పదోవ పట్టిస్తోందని, వైఎస్ఆర్ కుటుంబం చేసిన తప్పేంటో అర్థం కావటం లేదని ఆమె అన్నారు. వైఎస్ఆర్ కానీ, జగన్‌ ఏ తప్పు చేయలేదన్నారు. త్వరలోనే జగన్‌ నిర్దోషిగా బయటకు వస్తారని విజయమ్మ తెలిపారు.

ఢిల్లీ పర్యటనకు సంబంధించిన విషయాలను విజయమ్మ సమావేశంలో వివరించారు. వైఎస్‌ఆర్‌ జయంతి సందర్భంగా ప్రత్యేక పోస్టరును ఈ సందర్భంగా విడుదల చేశారు. ఎన్నికలు ఎప్పుడైనా రావచ్చునని, వాటిని ఎదుర్కొటానికి సిద్ధంగా ఉండాలని విజయమ్మ పార్టీ శ్రేణులకు పిలుపునిచ్చారు.కాంగ్రెస్, టీడీపీ మ్యాచ్ ఫిక్సింగ్ చేసుకున్నా ఉప ఎన్నికల్లో ప్రజలు వైఎస్ఆర్ కాంగ్రెస్ పార్టీపై మద్దతు ఇచ్చారన్నారు. ప్రజా సమస్యలపై నిరంతరం పోరాటం చేసిన జగన్ ప్రస్తుతం జగన్ ప్రస్తుతం జైల్లో ఉన్నారని, పార్టీ బాధ్యతలు చేపట్టాల్సి వస్తుందని తాను ఎన్నడూ అనుకోలేదన్నారు.