Posted: 07/03/2012 03:16 PM IST

వైయస్సార్ కాంగ్రెసు పార్టీ గౌరవ అధ్యక్షురాలు, పులివెందుల శాసనసభ్యురాలు వైయస్ విజయమ్మ ఢిల్లీ బయలుదేరిని విషయం తెలిసందే.  అయితే  ఆమె ప్రధానమంత్రి మన్మోహన్ సింగ్‌తో భేటీ కానున్నారా?లేక ఇక ఎవరితోనైన  భేటీ కానున్నారా అనే అనుమానాలు  కాంగ్రెస్ నాయకుల్లో  తలెత్తుతున్నాయి.   జగన్ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డిపై కక్ష సాధింపు చర్యలకు పాల్పడుతున్నారని విజయమ్మ  ప్రధానికి పిర్యాదు చేయనున్నారని  జగన్ పార్టీ నాయకులు అంటున్నారు.

తన తనయుడి అరెస్టు అక్రమమని, రాజకీయంగా జగన్‌ను ఎదుర్కోలేక కక్ష సాధింపు చర్యలకు పాల్పడుతున్నారని ఆమె ప్రధానికి వివరించి చెబుతారని తెలుస్తోంది. జగన్‌ ఆస్తులపై కక్షతో కాకుండా నిష్పక్షపాతంగా విచారణ జరిపించాలని ఆమె కోరుతుందట.కాగా వైయస్ విజయమ్మతో పాటు ప్రధానమంత్రిని కలిసేందుకు మరో ఐదుగురు నేతలకు మాత్రమే అనుమతి లభించింది. పార్లమెంటు సభ్యులు మేకపాటి రాజమోహన్ రెడ్డి, సబ్బం హరి, శాసనసభ్యులు శోభా నాగి రెడ్డి, ధర్మాన కృష్ణదాసు, మాజీ మంత్రి పిల్లి సుభాష్ చంద్రబోసు, వైవి సుబ్బారెడ్డి తదితరులు ఆమెతో పాటు ఢిల్లీ బయలుదేరి వెళ్లారు. ప్రధానితో పాటు పలువురు ఢిల్లీ పెద్దలను వారు కలవనున్నారు. కాగా తమకు అపాయింట్‌మెంట్ ఇవ్వాలని విజయమ్మ ఇటీవల ప్రధానిని కోరింది.  అయితే  విజయమ్మ ఢిల్లీ వెళ్లటం పై అనేక అనుమానాలు  ఉన్నాయాని  టీడీపీ నాయకులు అంటున్నారు.  తన కొడుకు కోసం  కాంప్రమైజ్ చేసుకోవటానికే .. ఈ ఢిల్లీ టూర్ అని  టిడిపి నాయకులు అంటున్నారు.

రాష్ట్రపతి  ఎన్నికల  సమయంలో  వైఎస్ఆర్ కాంగ్రెస్ ,ఢిల్లీ  వేదికగా  బల ప్రదర్శనకు సిద్దమవుతోందనే ఊహగానాలు విన్పిస్తుండడం గమనార్హం.  రాష్ట్రపతి  ఎన్నికలకు  సంబంధించి ప్రణబ్ కి మద్దతివ్వాలా?  సంగ్మాకి మద్దతివ్వాలా?  అన్న విషయమై  వైఎస్ఆర్ కాంగ్రెస్  ఇప్పటిదాకా  ఎలాంటి నిర్ణయమూ తీసుకోలేదు.  ప్రణబ్కి ఓటేయాలంటే..  అంటూ జగన్  విషయంలో  కొన్ని  షరతుల్ని  కాంగ్రెస్ పార్టీ ముందుంచడానికి  వైఎస్ఆర్  కాంగ్రెస్  చాటుమాటుగా   ప్రయత్నిస్తోందననే  వాదనలూ లేకపోలేదు.  చంద్రబాబు ఢిల్లీ వెళ్లే , చాటు మాటుగా కాంగ్రెస్ పెద్దలతో  ఆయన  మీటింగులు  పెడుతున్నారని  ఆరోపించిన  వైఎస్ఆర్ కాంగ్రెస్ , ఇప్పుడు తాము ఢిల్లీ వెళ్తోన్న దరిమిలా,  తమపై వ్యక్తమవుతున్న అనుమానాలు  ఆరోపణలకు ఎలా సమాధానమిస్తారో  ఏమో.