Posted: 07/03/2012 03:37 PM IST

ఆంధ్రప్రదేశ్   కొత్త  ముఖ్యమంత్రి  రేసులో  చిరంజీవి పేరు లేదు.   ఇందుకు కారణాలు.. మేడం సోనియా  మనసులోంచి  చిరు చెరిగిపోవడమేనా? బై ఎలక్షన్స్ లో  చిరు హవాతో  రాష్ట్రలో కాంగ్రెస్  బ్రహ్మండంగా  సక్సెస్  అయి మరో రెండేళ్లలో  జరిగే సార్వత్రిక  ఎన్నికల  నాటికి తిరుగులేని  శక్తిగా   అవతరిస్తుందనుకున్న  మేడం  అంచనాలు  తలకిందులు  కావడమేనని ఢిల్లీ నాయకులు అంటున్నారు.  ఉప ఎన్నికల్లో  రెండు చోట్ల కాంగ్రెస్  గెలిచిందంటే అది పీఆర్పీ  ఫుణ్యమేనని చిరంజీవి  చేసిన వ్యాఖ్యలు  కూడా సోనియాకు చికాకు కలిగించాయని  ఢిల్లీ పెద్ద సమాచారం.  దీంతో  ఆయన మీద  అమె అసంత్రుప్తిగా ఉన్నట్టు  ఢిల్లీ  మీడియా అంటుంది.  చిరుకు  రాజ్యసభ సీటును  కట్టబెట్టాక ఇక ఆయనకు కేంద్రంలో  మంత్రి పదవి కూడా ఖాయమనే ప్రచారం  సాగింది.  సోనియమ్మ దయదలచి ఉంటే అది కూడా జరిగేదే.  అయితే మధ్యలో  బై ఎలక్షన్స్  రావడంతో   ఎలక్షన్స్ లో  చిరు సేవల్ని  బాగా వినియోగించుకుని కాంగ్రెస్  విజయకేతనం ఎగరేస్తే  ఆయనకు  ఆ పోస్టు దక్కేదేమో.. కానీ  అలా జరగలేదు.  అందుకే  చిరు పేరు స్థానంలో  కొత్త పేరు వినిపిస్తున్నాయని కాంగ్రెస్  సీనియర్ నాయకులు అంటున్నారు.

ముఖ్యమంత్రి కిరణ్ కుమార్ రెడ్డిని మార్చుతారో లేదో కాని, మార్చుతారన్న ప్రచారం ఆయనకు పెద్ద చికాకుగా పుట్టింస్తుందట. దాని ప్రకారం ముఖ్యమంత్రి మార్చవచ్చని, కొత్త ముఖ్యమంత్రుల జాబితాను ఇద్దరికే పరిమితం చేశారని, ప్రస్తుత సీనియర్ మంత్రి కె.జానారెడ్డి లేదా మర్రి శశిధర్ రెడ్డిల మధ్య పోటీ ఉందని ఒక పత్రిక రాసింది. కేంద్ర మంత్రి జైపాల్ రెడ్డి రాష్ట్ర ముఖ్యమంత్రిగా పదవీ బాద్యతలు చేపట్టడానికి అంత సుముఖంగా లేకపోవడం తో వీరిద్దరిలో ఎవరో ఒకరిని కాంగ్రెస్ అధిష్టానం ఎంపిక చేయవచ్చన్నది ఆ కధన సారాంశం. ఒకపక్క ముఖ్యమంత్రి కిరణ్ కుమార్ రెడ్డి జిల్లాలలో విస్తృతంగా పర్యటించడానికిగాను ప్రణాళికను సిద్దం చేసుకుంటుంటే, మరో పక్క ఇలాంటి కధనాలు రావడం వల్ల ఆయనకు నిరుత్సాహం ఏర్పడుతుంది.ఇటువంటి విషయాలపై అదిష్టానం స్పష్టత ఇవ్వగలిగితేనే బాగుంటుందని కాంగ్రెస్ నాయకులు అంటున్నారు.  ఏమైన  రాష్ట్రపతి ఎన్నిక తర్వాతే ఇవన్ని చూస్తారన్న భావన  రాష్ట్ర నాయకులు  అనుకుంటున్నారు.