Posted: 07/02/2012 07:03 PM IST

 ప్రత్యేక తెలంగాణ కోసం .. తెలంగాణ కాంగ్రెస్ ఎంపీలు అందరు ఒకతాటిపై ఉన్న విషయం తెలిసిందే.  అయితే ఉప ఎన్నికల తరువాత వారి పరిస్థితి మారిపోతుంది.  మొన్న పాల్వాయి గోవర్థన్ రెడ్డి,  నిన్న సర్వే సత్యనారాయణ, నేడు  రాజయ్య రేపు మరొక్కరు .. ఇలా ఒక్కొక్కరు దొరికిపోతున్నారు.   అంటే ప్రత్యేక తెలంగాణకు దూరమవుతున్నారని.. కాంగ్రెస్ నాయకులు అంటున్నారు.   వీరిపై ముఖ్యమంత్రి కిరణ్ కుమార్ రెడ్డి  పాచికలు వేస్తున్నట్లు తెలుస్తోంది.   వీరు కూడా  రోజు రోజుకు  కిరణ్ కుమార్ రెడ్డిపై  అభిమానం చూపిస్తున్నట్లు  కాంగ్రెస్ వర్గాలు అంటున్నాయి .   అంటే తెలంగాణ ఎంపీల మద్దతు   పెరుగుతోందట.   వీరిలో  ఒక్కొక్కరు  సీఎంకు  అనుకూలంగా  మాట్లాడుతున్నారు. వారికి  ఆ మాటలు  నేర్పించింది సిఎం కిరణ్ కుమార్ రెడ్డే అని కాంగ్రెస్ నాయకులు అంటున్నారు.   తన క్యాంపు ఆఫీస్ కు  పిలిపించుకోవడం  ద్వారానే  లేక తనే స్వయంగా  ఫోన్ చేయడం  ద్వారానో ఈ బుజ్జగింపు కార్యక్రమాన్ని  చేపట్టినట్లు తెలుస్తోంది.   తెలంగాణ ఇచ్చేది  మేడం సోనియా గాంధీనే గానీ తాను కానన్న సంగతిని  వారికి తేల్చి చెబుతున్నట్లు సమాచారం. సీఎంను  మార్చితే  తెలంగాణ వస్తుందా ఇంత సీనియర్లు మీకు తెలియదా అంటూ వారిని  ఇరకాటంలో  పెడుతుండడంతో  ప్రస్తుత   పరిస్థితిల్లో  కిరణ్ కు మద్దతు  తెలపడమే మంచిదనే అభిప్రాయం వారిలో  కలగజేస్తున్నట్లు  తెలుస్తోంది.

తెలంగాణ పల్లవిని  మీరు  అందుకున్న నాకు ఎటువంటి అభ్యంతరం లేదని సీఎం మార్పు అంశాన్ని  మాత్రం లేవనెత్తవద్దంటూ కోరినట్టు వార్తలు వినిపిస్తున్నాయి.  ఇప్పటికే  పార్టీ పరిస్థితి  బాగా లేదని  పాలన కూడా ముందుకు సాగడం లేదని , 2014 ఎన్నికలకు ప్రజల్లోకి వెళ్లాలంటే  తెలంగాణ అంశాన్ని అదిష్టానానికి  వదిలి పెట్టడం  మంచిదని  సూచించారని దీంతో  తెలంగాణ ఎంపీలు  సానుకూలంగా  స్పందించినట్లు  సమాచారం. ఏది ఏమైనా  తెలంగాణ అంశం  తేలేవరకు  కిరణ్ ను మార్చే అవసరం లేదన్నది వీరి అభిప్రాయం. మొత్తం ముఖ్యమంత్రి వేసిన వలలో తెలంగాణ ఎంపీలు ఒక్కొక్కరు పడుతున్నట్లు కాంగ్రెస్ నాయకులు అంటున్నారు.  ప్రత్యేక తెలంగాణ కోసం ఎంపీలు ఫైట్ చెయ్యటం విరమిస్తున్నట్లు  సమాచారం.