Posted: 07/02/2012 04:15 PM IST

ఆంధ్రుల అందాల నటుడు శోభన్ బాబుతో తనకు పరిచయం లేకపోయినప్పటికీ.. ఆయన అభిమానిగానే కార్యక్రమానికి హాజరయ్యానని ముఖ్యమంత్రి కిరణ్ కుమార్ రెడ్డి అన్నారు. శోభన్ బాబు వజ్రోత్సవం హైదరాబాద్‌లోని శిల్పకళా వేదికలో  వైభవంగా జరిగింది. ఈ కార్యక్రమానికి ముఖ్యమంత్రి కిరణ్ హాజరయ్యారు.  అయితే  శోభన్ బాబు వజ్రోత్సవాలు  హైటెక్ సిటీ  శిల్పకళావేదికలో  వైభవంగా  జరిగాయి.  అలనాటి తారలంతా  ఈ కార్యక్రమానికి హాజరయ్యి  శోభన్ బాబుతో తమకున్న అనుభావాలను  అందరితో  పంచుకున్నారు.  ఈనాటి హీరోలకు శోభన్ బాబు  ఎంతో ఆదర్శవంతుడని  కొందరు కొనియాడారు.  కానీ ఆ మాటలు వినడానికి  అసలు ఫంక్షన్ లో  ఒక్క  హీరో కూడా లేరంటే ఆశ్చర్యపోవాలి. 

ప్రతీ అవార్డుల  ఫంక్షన్స్ కి  రెక్కలు  కట్టుకుని  వాలిపోయే  యువ హీరోలు కూడా అలనాటి  అందాల  నటుడు  శోభన్ బాబు వజ్రోత్సవ వేడుకల్లో  కనిపించకపోవడం  అందరినీ  ఆశ్చర్యపరుస్తోంది.  ఇవన్నీ  ఛాదస్తపు ఫంక్షన్స్  అనుకున్నారో  లేక మిగతా ఫంక్షన్స్ లాగా ఇక్కడ  హీరోయిన్ ల కలరింగ్  వుండదని   వెనుకడుగేసారో వాళ్ళకే తెలియాలి.  అప్పట్లో టాప్  నలుగురు హీరోల్లో ఒకరైన శోభన్ బాబు   ఆ తరువాత చెన్నయ్ లో  సిర్థపడిపోయారు.  ఆయన  మరణానంతరం  హైదరాబాద్ లో జరిగిన  మొట్టమొదటి సభ ఇదే కావడం  గమనార్హం. దీనికి  టాప్ హీరోలంతా  వచ్చివుంటే  ఆ సోగ్గాడికి తగిన గౌరవం దక్కేదని.. టాలీవుడ్  సీనియర్  నటులు అంటున్నారు.