Posted: 06/29/2012 05:00 PM IST

ఇప్పుడు శత్రువును దెబ్బతియ్యటానికి  ప్రత్యర్థులు .. కొత్త టెక్నాలాజి  ఉపయోగిస్తున్నారు. శత్రువు ను ఒకేసారి చంపకుండా .. మానసికంగా చంపే ప్రయత్నం చేస్తున్నారు.  ఒక రకంగా చెప్పాలంటే.. అతని  ఇమేజ్ ను డ్యామేజీ  చేయ్యటం  ఇప్పుడున్న రాజకీయ నాయకులకు అలవాటుగా మారిందని  మీడియా వారు అంటున్నారు. ఇప్పుడు  గుజరాత్  మఖ్యమంత్రి  నరేంద్ర మోడి పై అలాంటి ప్రయోగం జరిగింది.  గుజరాత్ ముఖ్యమంత్రి నరేంద్ర మోడీపై ఆయన వ్యతిరేకులు పోస్టర్ల యుద్ధం కొనసాగిస్తున్నారు.

మోడీకి వ్యతిరేకంగా రోజుకోచోట వ్యతిరేకులు పోస్టర్లు ముద్రిస్తున్నారు. గతంలో గాంధీనగర్, బీహార్, ఢిల్లీలలో మోడీకి వ్యతిరేకంగా పోస్టర్లు వెలిసిన విషయం తెలిసిందే. అది మరిచిపోక ముందే తాజాగా పోస్టర్లు వెలిశాయి.  బీజేపీ రాష్ట్ర శాఖలో నేత ల కీచులాట నేపథ్యంలో తాజాగా కొన్ని వ్యంగ్య పోస్టర్లు రాజ్‌కోట్‌లో దర్శనమిచ్చాయి. బాలీవుడ్‌లో మహిళా విలన్లు, గయ్యాళి పాత్రపోషణలో ప్రసిద్ధులైన శశికళ, లలితా పవార్ బొమ్మలతోపాటు మోడీ చీరకట్టినట్లు చిత్రించిన బొమ్మలు వాటిపై ఉన్నాయి. "శశికళ, లలితాపవార్‌లకన్నా మోడీ ప్రమాదకరం.

కేశూభాయ్, శంకర్‌సిన్హ్ వాఘేలా మధ్య గొడవలు పెట్టాడు. సమాజాన్ని రెండుగా చీల్చాడు. మరి ఆయనది క్రూర మనస్తత్వంగల అత్తగారి పాత్రేకదా? అంటూ వ్యాఖ్యలు కూడా రాశారు. రాజ్‌కోట్‌లోని రేస్‌కోర్స్ రింగ్ రోడ్, టాగూర్ రోడ్‌లతోపాటు మేయర్ నివాసం వద్ద ఈ పోస్టర్లు దర్శనమిచ్చాయి. ఇంతకుముందు మోడీ వ్యతిరేక పోస్టర్లు గుజరాత్‌లోనే కాకుండా ఢిల్లీలోనూ కనిపించడం తెలిసిందే.