Posted: 06/19/2012 05:04 PM IST

ఇప్పుడు నయనతార.. కొత్త వేదంతం చెబుతుంది. ఆమెను అందరు సీతగానే చూస్తున్నారట. ఈ మాట వింటున్న తెలుగు ప్రజలకు కొంచెం కొపం వస్తుందట.  నయన తార సీత పాత్ర పోషించినంత మాత్రన ఆమె ఎలా సీత అవుతుందని తెలుగు ప్రజలు అడుగుతున్నారు.  నయన తార గతంలో .. హీరో శింబుతో సరసాలు.. ప్రభుదేవాతో పడు పనులు.. ఇప్పుడు కొత్తగా ఆర్యతో .. ప్రేమ అడుగులు వేస్తున్న నయన తారలో సీతను ఎలా చూస్తారని ఆమె అనుకుంటుందో  ఎవరికి అర్థం కాలేదని తెలుగు ప్రజలు అంటున్నారు. నయనతారను  సీతగా చూస్తున్నారని  చెప్పటం చాలా విడ్డురంగా ఉందని  తెలుగు దర్శక నిర్మాతలు అంటున్నారు.  అసలు ఈ విషయం ఇప్పుడేందుకు వచ్చిందంటే..ఇటీవల డర్టీ పిక్చర్ గురించి నయన తార దగ్గరకు వెళ్లిన నిర్మాత, దర్శకులకు ఈ కథ వినిపించిందని  టాలీవుడ్  వాసులు అంటున్నారు.

నాకు సెక్సీ ఇమేజ్ వద్దు. దానిపై నాకు విరక్తి కలిగింది. పాత్ర గౌరవంగా ఉంటేనే ఇక నుంచి నటించాలని నిర్ణయించుకున్నాను అని తన అభిప్రాయాన్ని వెలుబుచ్చారు అందాలభామ నయనతార.అందులో నేను పోషించిన సీత పాత్ర నాకు గౌరవాన్ని పెంచింది. అందుకే ఆ పాత్ర నాకు రావడానికి కారకులైన బాపు, బాలకృష్ణగార్లకు థాంక్స్ చెప్పుకుంటున్నాను. అంతమంచి పాత్ర చేసిన తర్వాత మళ్లీ మునుపటి ఇమేజ్ కోసం పాకులాడటం కరెక్ట్ కాదని అనిపించింది. ‘డర్టీ పిక్చర్’ రీమేక్‌లో నటించడానికి రెండు కోట్లు పారితోషికం ఇవ్వడానికి నిర్మాతలు సిద్ధంగా ఉన్నా, కేవలం గత ఇమేజ్‌ని కోరుకోవడం లేదు కాబట్టే ‘ఓకే’ చెప్పలేకపోయాను. అయినా సీతగా చేసిన తర్వాత సిల్క్ స్మితగా కనిపించడం ఏం బావుంటుంది చెప్పండి? ప్రస్తుతం క్రిష్ దర్శకత్వంలో ‘కృష్ణంవందే జగద్గురుమ్’లో నటిస్తున్నాను. అందులో నా పాత్ర పేరు దేవిక. జర్నలిస్ట్‌ని. కథలో నా పాత్ర చాలా కీలకం. ఇంకా గోపీచంద్‌తో ‘జగన్మోహన్ ఐపీఎస్’ చేస్తున్నాను. ఇందులో కూడా మంచి పాత్ర. ఇంకా నాగార్జునగారితో ఓ సినిమా, తమిళంలో రెండు సినిమాలు చేయాల్సివుంది’’ అని చెప్పారు నయన.