Posted: 06/14/2012 03:36 PM IST

బిగ్‌బాస్ రియాలిటీషో ద్వారా బాలీవుడ్‌లో పాపులర్ అయిన భామ సన్నీ లియోన్. ప్రస్తుతం ఈ సుందరి ‘జిస్మ్-2’లో నటిస్తున్న విషయం తెలిసిందే. ప్రస్తుతం ఈ సినిమా షూటింగ్ శ్రీలంకలో జరుపుకుంటోంది. తొలి సినిమా నిర్మాణ దశలోనే భారీ క్రేజ్‌ని సొంతం చేసుకున్న సన్నీ లియోన్ ఓ కన్నడ సినిమా కోసం ప్రత్యేక గీతంలో నర్తించనుందని ప్రచారం జరుగుతోంది. అయితే దీనిపై సన్నీ స్పందిస్తూ ‘బాలీవుడ్‌లో నేను నటిస్తున్న తొలి చిత్రం ‘జిస్మ్-2’. ఈ చిత్రంతో పాటు ‘రాగిణి ఎంఎంఎస్-2’ సినిమాలో కూడా నటించడానికి అంగీకరించాను. ఈ రెండు సినిమాలు తప్పా నేను మరే చిత్రమూ ఇప్పటి వరకు అంగీకరించలేదు. నేను ప్రత్యేక గీతాల్లో నటిస్తానంటూ జరుగుతున్న ప్రచారంలో ఎలాంటి వాస్తవం లేదు. అవన్నీ వట్టి గాలివార్తలే. వాటిని ఎవరూ నమ్మకండి. ఇప్పటి వరకు నేను ప్రత్యేక గీతాల్లో నటించాలని ఎలాంటి నిర్ణయాలు తీసుకోలేదు. సినిమాలు చెయ్యడానికే తీరికలేని నాకు ప్రత్యేక గీతాల్లో నటించే సమయం ఎక్కడుంటుంది’ అని తెలిపింది.

సెలబ్రిటిస్ వాడిన దుస్తుల్ని వేలం పాటల్లో పెట్టడం పాశ్చాత్య దేశాల్లో సర్వసాధారణం. అక్కడి జనాలు కూడా వేలం సదరు దుస్తులకై ఎగబడతారు. లోదుస్తువులకైతే డిమాండ్ మరీ ఎక్కువగా వుంటుందన్నది వేరే విషయం. తాజాగా ‘జిస్మ్ 2’ చిత్రంతో బాలీవుడ్‌లో దుస్తుల వేలం పాట ట్రెండ్‌కు శ్రీకారం చుట్టబోతోంది నిర్మాత పూజాభట్. నీలి చిత్రాల సుందరి సన్నీలియోన్ ‘జిస్మ్ 2’ చిత్రం ద్వారా బాలీవుడ్ చిత్రసీమకు పరిచయమవుతున్న విషయం తెలిసిందే. తను నటిస్తోన్న తొలి చిత్రం విడుదల కాకముందే సన్నీలియోన్ దేశవ్యాప్తంగా విశేషమైన పాపులారిటీని సంపాదించుకుంది. ముఖ్యంగా యూత్‌లో ఈ సుందరికి ప్రత్యేక క్రేజ్ వుంది. దీంతో ఈ భామ ఇమేజ్‌ను క్యాష్ చేసుకునేందుకు ‘జిస్మ్ 2’ నిర్మాతలు ఆన్‌లైన్‌లో వేలం పాటను నిర్వహించనున్నారు. చిత్రంలో సన్నీలియోన్ ఉపయోగించిన లోదుస్తుల్ని ఆన్‌లైన్ వేలంలో పెట్టనున్నారు. అంతేకాదు వేలంపాటలో వచ్చిన మొత్తాన్ని చారిటీ కార్యక్రమాలకు వినియోగిస్తానని తెలిపింది నిర్మాత పూజాభట్. ఆమె మాట్లాడుతూ- ‘హాలీవుడ్‌లో ఇలాంటి వేలంపాటలు సాధారణంగా జరుగుతుంటాయి. వీటితో సినిమాకు ప్రమోషన్ తో పాటు చారిటీ కార్యక్రమాలకు అనుకున్న డబ్బు సమకూరుతుంది’ అని చెప్పింది. సన్నీలియోన్ లోదుస్తుల కోసం కుర్రకారు వేలంపాటలో ఎగబడటం ఖాయమని చిత్ర వర్గాలు ధీమా వ్యక్తం చేస్తున్నాయి.