Posted: 06/14/2012 03:20 PM IST

బాలీవుడ్ సూపర్ స్టార్ సల్మాన్ ఖాన్ అర్ధరాత్రి దాటాక చిరంజీవి నివాసానికి చేరుకున్నారు. చెర్రీ వివాహం నేపథ్యంలో రామ్ చరణ్ ప్రత్యేక ఆహ్వానం మేరకు సల్మాన్ హైదరాబాద్ వచ్చారు. ఆయనతో పాటు జంజీర్ దర్శకుడు, మరికొందరు యూనిట్ సభ్యులు హాజరయ్యారు. చిరంజీవి తన భార్య సురేఖతో కలిసి సల్మాన్‌ను సాధరంగా రిసీవ్ చేసుకున్నారు.  పవర్ స్టార్ పవన్ కళ్యాణ్ అన్నయ్య నాగబాబుతో కలిసి చిరు నివాసానికి చేరుకున్నారు. పవన్‌ని చూడగానే ఎంతో ఎగ్జైట్ అయిన సల్మాన్ అతన్ని కౌగిలించుకుని గబ్బర్ సింగ్' సక్సెస్ పై విష్ చేసినట్లు తెలిసింది. కొంత సేపు ఇద్దరూ సినిమా విషయాలపై మాట్లాడుకున్నారు.  అనంతరం సల్మాన్, జంజీర్ టీంకు చరణ్ గ్రాండ్ డిన్నర్ ఏర్పాటు చేశాడు. ఈ నెల 14న చెర్రీ పెళ్లి వేడుక ముగిసే వరకు సల్మాన్ ఇక్కడే ఉండనున్నారు. ఇందు కోసం వారికి ప్రత్యేకమైన ఏర్పాట్లు చేశారు.