Posted: 06/06/2012 04:39 PM IST

ఇప్పుడు కాంగ్రెస్ నాయకులందరు చిరంజీవి పేరును జపిస్తున్నారు. ఆయన ఇప్పుడు  కాంగ్రెస్ నాయకుల అందరికి  ఒక  సార్ట్ అయ్యాడట.  టాలీవుడ్ లో మెగా స్టార్ గా వెలిగిన చిరంజీవి తన రాజకీయ ప్రవేశంతో.. రాష్ట్ర ప్రజల్లో కూడా రాజకీయ నాయకుడిగా ఎదిగిపోయిన విషయం తెలిసిందే.  అయితే కాంగ్రెస్ పార్టీ లో  విలీనం చేసిన  మెగా స్టార్  చిరంజీవి.. రాష్ట్ర నాయకుడిగా కాకుండా .. కేంద్రమంత్రి పదవినిచ్చిన కాంగ్రెస్ మాట నిలబెట్టుకుంది.  ఆపదలో  కాంగ్రెస్ పార్టీని ఆపద్బందువుడుగా అదుకోవటంతో.. కాంగ్రెస్ పార్టీ అధినేత్రి అయిన  సోనియాగాంధీ.. చిరంజీవికి కాంగ్రెస్ పార్టీ ఎంతో బుణపడి ఉంటుందని, అందుకు చిరంజీవికి కేంద్ర మంత్రి పదవి ఇస్తామని  చెప్పటం ఆ మాటను నిజం చేసుకోవటం  జరిగింది. కేంద్ర మంత్రి అయిన చిరంజీవి  పై సోనియా గాంధీ ఉప ఎన్నికల భారన్ని పెట్టినట్లు తెలుస్తుంది.   అందుకోసం .. చిరంజీవి  ఉప ఎన్నికల ప్రచారంలో పాల్గొంటున్నట్లు తెలుస్తుంది.

ఇప్పుడు జరుగుతున్న ఉప ఎన్నికల్లో కాంగ్రెస్ పార్టీని గెలిపించటం కోసం.. చిరంజీవి పడుతున్న కష్టం చూసిన ..కేంద్ర మంత్రి గులామ్ నాబీ ఆజాద్ కు చాలా ఆశ్చర్యం వేసిందట. కాంగ్రెస్ పార్టీ లో ఉన్న సీనియర్ నాయకుల కంటే.. చిరంజీవి ఉప ఎన్నికల ప్రచారం చాలా బాగా చేస్తున్నాడట.   ప్రత్యర్థీ పార్టీలను  చిరంజీవి  అడుగుతున్న తీరు .. ఆజాద్ బాగా నచ్చిందట. అంతేకాకుండా.. కాంగ్రెస్ పార్టీ పై ఎలాంటి మాట పడకుండా.. సోనియా గాంధీ , రాహుల్ గాంధీల , గొప్పతనం గురించి  చిరంజీవి చెప్పే తీరు  ఆజాద్ కు ఆనందం కలిగిస్తుందని కాంగ్రెస్ నాయకులు అంటున్నారు.

ఆజాద్  స్వయంగా  చిరంజీవిని మెచ్చుకున్నట్లు తెలుస్తుంది. నీ లాంటి  నాయకుడు  మాకు దొరికినందుకు చాలా ఆనందంగా ఉందని, నీ లాంటి నాయకుడు రాష్ట్రానికి చాలా అవసరం ఉందని గులామ్ నాబీ ఆజాద్ చిరుతో చెప్పినట్లు కాంగ్రెస్ నాయకులు అంటున్నారు.  అంతేకాకుండా ఉప ఎన్నికల్లో  చిరు కు ఇమేజ్ తోనే ప్రజలు వస్తున్నారని ఆజాద్ గ్రహించాడట. అంతేకాకుండా.. ప్రచారం లో ఎక్కువ బాగం పీఆర్పీ క్యాడరే కనిపిస్తుందని గులామ్ అంటున్నారు.  ఏ ప్రచారంలోను  కాంగ్రెస్  క్యాడర్  కనిపించటంలేదని ఆజాద్  అంటున్నారు.

అయితే ఆజాద్  ఉప ఎన్నికల రిపోర్టు .. ప్రతి రోజు  సోనియా గాంధీకి పంపిస్తున్నట్లు తెలుస్తుంది. ఇందులో ముఖ్యంగా చిరంజీవి పడుతున్న కష్టం గురించి, ప్రజల్లో చిరంజీవికి ఉన్న ఇమేజ్  గురించి  ఆజాద్  సోనియాకు రిపోర్టు పంపించాడని  కాంగ్రెస్ నాయకులు గుసగుసలాడుకుంటున్నారు.  ఈ ఉప ఎన్నికల ప్రచారంలో  కాంగ్రెస్ గెలిసిన, ఓడిన,  చిరంజీవి ప్లస్ అవుతుందని కాంగ్రెస్  సీనియర్ నాయకులు చెవులు కొర్కుకుంటున్నారు.