Posted: 06/06/2012 03:54 PM IST

అవినీతి , అక్రమాలకు పాల్పడిన  రాజకీయ నాయకులు, అధికారులు, వ్యాపారవేత్తలు, విఐపీలు , జైల్లో ఉన్న విషయం తెలిసిందే. అయితే  వారు జైల్లో ఏం చేస్తుంటారు అంటే.. వెంటనే .. వారు జైలు కూడు తింటూ హాయిగా.. ఉంటారు అని అంటుంటారు. కానీ అది ఒక రకంగా వాస్తవమే అయినప్పటికి .. ఇప్పుడు  ట్రెండ్ మారింది.  జైలు కెళ్లిన.. బయట ఉన్న సరే వారు విఐపీలేనట. వారు చేసే పనులు విఐపిలాగానే ఉంటున్నాయని  జైలు అధికారులు అంటున్నారు. అంటే జైల్లో ఉన్న విఐపీలందరు భక్తి పరవశంతో  జైల్లో పూజలు  చేస్తున్నారని  జైలు అధికారులు అంటున్నారు. 

జైల్లో ఉన్న వీఐపీ ఖైదీలు  తమ తమ ఇష్ట దైవాలకు పూజలు చేస్తున్నారట.   ‘‘ జై శ్రీమన్నారాయణ.. స్వామియే  శరణం  అయ్యప్ప..  సాయిరాం..  పరమేశ్వరా.’’ అనే పదాలతో .. చంచల్ గూడ జైలు గొడలు సైతం కరిగిపోయే విధంగా ప్రముఖులు భక్తితో  పూజాలుచేస్తున్నారట.   వీఐపీ ఖైదీల హోదాలో  ఉన్న వీరు మనశ్శాంతి  కోసం ఆధ్యాత్మికత  వైపు మొగ్గు  చూపుతున్నారట.  ఒంటరి  జీవనం, సిబిఐ  అభియోగాల  నేపథ్యంలో  తీవ్ర ఒత్తిడిని  ఎదుర్కొంటున్న  వీరంతా  ప్రశాంతత కోసం ఆధ్యాత్మిక  బాట పట్టినట్లు  సమాచారం.  అంతే కాదు.. వారి అలవాట్లు  కూడా మార్చుకున్నారని  జైలు అధికారుల చెబుతున్నారు.

 సిబీఐ  విచారణ లో ఉన్న జగన్  తప్ప  మిగిలినవారంతా  దైవచింతనకు ప్రాధాన్యం ఇస్తున్నట్లు  జైలు శాఖ వర్గాలు అంటున్నాయి.   మోపిదేవి,  రాజగోపాల్,  సహ వీఐపీ ఖైదీలు  వారి బ్యారక్ లో ఉణ్న సాయిబాబా  ఆలయానికి  వెళుతున్నారట.  ఎమ్మార్ కేసులో  జైలుకొచ్చిన    కోనేరు రాజేంద్రప్రసాద్ కు దైవభక్తి చాలా ఎక్కువట.  బీపీ ఆచార్య, వి.రాజగోపాల్,  విజయరాఘవులు,  కూడా ఆధ్యాత్మిక భావాలున్నావారేనట.  ఇటీవల  జైలుకు కొత్త వచ్చిన నిమ్మగడ్డ ప్రసాద్   నిత్యం సాయిబాబా పూజలో  పాల్గొంటున్నట్లు  సమాచారం.  చివరకు జగన్ కూడా  ఉదయం సాయంత్రం వేళల్లో  ప్రార్థనలు  చేస్తున్నారని  జైలు వర్గాలు అంటున్నాయి.  అంతేకాకుండా  ఉదయం,  సాయంత్రం  అధ్యాత్మిక  పఠనాలు, విష్ణు సహస్రనామాలు, ఇతర దైవసంబంధ పుస్తకాలు  పఠనం , భగవద్గీత లాంటివి చదువుతున్నట్లు పోలీస్ వర్గాలు చెబుతున్నాయి.

 వీఐపీలు  బయట ఉన్నప్పుడు  మాంసాహారులు.. జైలు వెళ్లిన దగ్గర నుండి వీరు శాకాహరులుగా మారిపోయారట.   ఓబుళాపురం కేసులో  జైలుకు వచ్చిన శ్రీనివాసరెడ్డి, రాజగోపాల్ , ఎమ్మార్  కేసులో వచ్చిన  కోనేరు, సునీల్ రెడ్డిలు  మాంసాహార ప్రియులు. కానీ వీరంతా  ప్రస్తుతం  శాకాహారానికి  మారిపోయినట్లు తెలుస్తుంది.  బీపీ ఆచార్య , విజయరాఘవులు  శాకాహారులు కావడతో  ఇష్టమైన ఆహారం  తయారు చేయించుకుంటున్నారు.   జగన్ కూడా శాకాహరమే తీసుకుంటున్నట్లు జైలు వర్గాలు అంటున్నాయి.