Posted: 06/02/2012 11:26 AM IST

నాన్న ఎయిర్‌ఫోర్స్‌లో జాబ్ చేసేవారు. దాచుకునేంత సంపాదనైతే లేదు కానీ.. మేం మాత్రం హ్యాపీగానే ఉండేవాళ్లం. రోజుల్ని సమర్థవంతంగా ఎలా నెట్టుకురావాలనే ఆలోచన మాత్రమే నాకు, అమ్మకూ ఉండేది. అనుకోకుండా ‘మనస్సినక్కరే’ అనే మలయాళ చిత్రంతో నటిని అయ్యాను. అప్పుడే నయనతారగా పేరు మార్చుకున్నాను. నటిగా మారగానే నా లైఫ్ స్టైలే మారిపోయింది. తొమ్మిదేళ్ల క్రితం నాటి డయానా మరియమ్ కురియన్‌కీ నేటి నయనతారకు లెక్కలేనంత వ్యత్యాసం ఉంది. డయానా... తండ్రి చాటు పిల్ల. నయనతార ప్రపంచాన్ని చదివిన వ్యక్తి. ఈ తొమ్మిదేళ్లలో నా జీవితంలో వచ్చిన మార్పు చూస్తుంటే నాకే ఆశ్చర్యమేస్తోంది అని నయనతార అంటున్నారు.

నయనతార అసలు పేరు డయానా మరియమ్ కురియన్ అన్న విషయం తెలిసిందే. ప్రస్తుతం కీర్తికీ, డబ్బుకూ లోటు లేదు. రోజు రోజుకీ బ్యాంక్ బేలన్స్ పెరుగుతూ వచ్చింది. నటిని కాకముందు ఏవేం కొనాలి? అని అమ్మా, నేనూ అనుకున్నామో అవన్నీ కొనేశాను. లగ్జరీ జీవితాన్ని నేను అనుభవిస్తూ, నా తల్లిదండ్రులతో కూడా అనుభవింపజేస్తున్నాను. ప్రస్తుతం నాకు అన్నీ ఉన్నాయి. కానీ మనసే స్థిమితంగా ఉండదు. ఈ కారణంగానే అన్నీ ఉన్న నేను, కొన్ని కోల్పోయాను. ఇప్పుడు మాత్రం నిబ్బరంగా ఉంటున్నాను అంటూ చెప్పుకొచ్చారు.