Posted: 05/26/2012 06:53 PM IST

ఇప్పటికే రెండు నెలలుగా వాయిదాలు పడుతున్న ఈ సినిమా గురించి ఎవరూ పెద్దగా పట్టించుకోవడం లేదు. కానీ ఈ సినిమా హిట్ కావాలని మాత్రం దర్శకుడు పరుచూరి మురళి, భారీ హిట్ కొట్టి అప్పులు తీర్చాలని నిర్మాత , ఖచ్చితంగా హిట్ కావాలని లక్ష్మీరాయ్ కోరుకుంటోంది. వీరి ముగ్గురికి ఈ సినిమా హిట్ అత్యంత అవసరం. కానీ తన సినిమా ఖచ్చితంగా విజయవంతం కావాలని ఓ హీరోయిన్ అన్ని ప్రముఖ దేవాలయాలను చుట్టేస్తోంది. సినిమా విజయవంతం చేయాలని దేవుళ్లను గట్టిగా వేడుకుంటోంది.

ఆమె ఎవరో కాదు హీరోయిన్ లక్ష్మీరాయ్.  నా సినిమా హిట్ కావాలి..పెట్టిన పెట్టుబడి తిరిగి రావాలి అని ఏ నిర్మాత అయినా కోరుకుంటాడు. ఈ సినిమా హిట్ అయితే బాగుండు, మరో నాలుగు సినిమాల్లో అవకాశాలు వస్తాయని  హీరో, హీరోయిన్లు కోరుకోవడం కూడా చూస్తుంటాం. రాఘవ లారెన్స్ తో చేసిన ‘కాంచన’  హిట్ అయినా లక్ష్మీరాయ్ పెద్దగా అవకాశాలు రాలేదు. తెలుగులో బాలకృష్ణ  సరసన  ‘అధినాయకుడు’లో మాత్రం అవకాశం దక్కింది. అయితే బాలకృష్ణ  సరసన అవకాశం దక్కిందని సంతోషపడాలో, ఈ సినిమా బాలారిష్టాలు దాటడంలేదని బాధపడాలో తెలియని పరిస్థితి లక్ష్మీరాయ్ ది. అప్పుల్లో చిక్కుకున్న చిత్ర నిర్మాత  ఎంఎల్ కుమార్ చౌదరి అన్ని సమస్యలు అధిగమించి చిత్ర విడుదలకు సన్నాహాలు చేస్తున్నాడు. అయితే ఏకంగా లక్ష్మీరాయ్ ఆంధ్రప్రదేశ్, తమిళనాడులోని అన్ని ప్రముఖ దేవాలయాలను సందర్శిస్తుందట. మరి ఆమె పూజలు ఫలిస్తాయా ? దేవుడు కరుణిస్తాడా ? వేచిచూడాలి.