Posted: 05/19/2012 07:16 PM IST

ఒక పక్క  సునామీలా  అరెస్టు పర్వం  పరిగెత్తుకు వస్తుంటే .  జగన్ మాత్రం నెమ్మదిగా, కూల్ గా , నేను ముఖ్యమంత్రినై వస్తాను,  మీ ఊరుకోస్తాను, మీ బజరుకోస్తాను, అంటు బాలయ్య డైలాగులు చెప్పుకుంటు జగన్ జనం మద్య తిరుగుతున్నాడు.  అసలు ఈ మాటలను బట్టి చూస్తే జగన్ కు  సీఎం పదవి మీద ఎంత ఆశ ఉందో ఇట్టే అర్థం అవుతుందని  జగన్ ను చూడటానికి వచ్చిన జనం అనుకుంటున్నారు. 

జగన్ సీఎం పదవి కోసం ఎలాంటి పని చేయటానికైన వెనకడుగు వేయడని  అర్థం అయ్యిందని  ప్రజలు  అనుకుంటున్నారు.  జగన్ ను సిబిఐ వారు ఎప్పుడు అరెస్టు చేస్తారో తెలియదు గానీ, ఆయన మాత్రం రాష్ట్రానికి ముఖ్యమంత్రి అయ్యి వస్తానని  మంగమ్మ శపథలు  చేస్తున్నాడని  కాంగ్రెస్ నాయకులు అంటున్నారు.  వెనకటికి  ఆలు లేదు.. సూలు లేదు  కొడుకు పేరు సొమలింగం అన్నాడట ఒక పెద్ద మనిషి.  ఇప్పుడు జగన్ తీరు కూడా అలాగే ఉందని  మంగంపేట ప్రజలు అంటున్నారు.

మీ బిడ్డగా ముఖ్యమంత్రినై మంగంపేటకు వస్తా.. రచ్చబండ కార్యక్రమాన్ని ఏర్పాటు చేస్తా.. అని కడప ఎంపీ వైఎస్‌ జగన్‌ మోహన్‌రెడ్డి తన ప్రసంగంలో తెలిపారు. ఉప ఎన్నికల్లో ప్రచారంలో భాగంగా వైఎ స్సార్‌ కడప జిల్లా కోడూరు నియోజకవర్గం మంగంపేటలో ఆయన సుడిగాలి పర్యటన చేశారు. ఈ సందర్భంగా మంగంపేటలో ఆయన ప్రసం గిస్తూ పులివెందుల తర్వాత మంగంపేట తనకు ముఖ్య గ్రామమని, ఈ గ్రామాన్ని మోడల్‌ గ్రామంగా తీర్చిదిద్ది గనుల విస్తరణ ద్వారా నష్టపోయిన ప్రతి కుటుంబానికి పూర్తిస్థాయిలో సహకరిస్తానని హామీ ఇచ్చారు. ప్రస్తుత కాంగ్రెస్‌ నాయకులు దివంగత నేత వైఎస్‌ రాజశేఖరరెడ్డి ప్రవేశపెట్టిన సంక్షేమ పథకాలు నిర్వీర్యం చేశారని ఆవేదన వ్యక్తం చేశారు.