Posted: 05/15/2012 01:20 PM IST

ఖుషిలో పవన్ కళ్యాణ్ కు  మంచి లవర్ నటించి., ఆ తరువాత  మహేష్ బాబు ప్రేమించే యువతిగా  ఒక్కడు లో నటించి, జూనియర్ ఎన్టీఆర్ తో ఏమీ తెలియని అమాయకపు మరదలలా నటించిన అందాల భూమిక.  భూమిక పెళ్లి చేసుకున్నతరువాత సినిమాల్లో పెద్ద నటించలేదు.  యోగా మాష్టన్ పెళ్లి చేసుకోవటంతో.. ఆమె యోగా వైపు వెళ్లిందని  టాలీవుడ్ లో అనుకున్నారు.   భూమికను మళ్లీ  సెకండ్ విన్నింగ్ లో తేవాలని దర్శక నిర్మాతలు  ఆలోచిస్తున్నారట. అందుకోసం ఆమె ఒక ఆఫర్ ఇచ్చినట్లు తెలుస్తుంది.       

 తెలుగు తెరపై అందాల మందారమై విరిసిన కథానాయిక భూమిక. 'ఖుషీ' ... ఒక్కడు' ... 'సింహాద్రి' వంటి సూపర్ హిట్ చిత్రాలతో ఆమె ప్రేక్షకులకి ఎంతగానో చేరువైంది. అలాంటి భూమిక ఆమధ్య పెళ్లి చేసుకుని సినిమాలకి దూరమైంది. ప్రస్తుతం నిజజీవితంలో ఇల్లాలి పాత్రని పోషిస్తోన్న ఆమెని మళ్లీ తెరమీదకి తీసుకువచ్చేందుకు కొందరు దర్శక నిర్మాతలు ప్రయత్నిస్తున్నట్టు తెలుస్తోంది. నాగ చైతన్య హీరోగా చేస్తోన్న ఓ సినిమాలో అత్త కేరక్టర్ భూమిక చేస్తే బాగుంటుందని దర్శక నిర్మాతలు భావించారట.

 ఈ విషయమై ఆమెని సంప్రదిస్తే, అప్పుడే అత్త పాత్రలేంటి ? అన్నట్టుగా ఆశ్చర్యాన్ని వ్యక్తం చేసిందని చెబుతున్నారు. తాను అలాంటి పాత్రలు చేయదలుచుకోలేదనీ ... కుటుంబ నేపథ్యంలో సాగే ప్రధాన పాత్రలను మాత్రమే చేస్తానంటూ 'కలెక్టర్ గారి భార్య' చిత్రాన్ని ఉదాహరణగా కూడా చూపిందట. దాంతో ఆమె తన వయసుకి తగిన నాయిక పాత్రలకే ప్రాధాన్యమిస్తోందనే సంగతి తెలిసి వీళ్లు ఆశలు వదులుకున్నట్టు తెలుస్తోంది. భూమిక అత్త పాత్రని ఒప్పుకోకపోవడమే మంచిదైందనీ ... ఎందుకంటే అత్త కన్నా  అందమైన కోడలు వాళ్లకి దొరకడం కష్టమయ్యేదని సినీ పరిశీలకులు అభిప్రాయపడుతున్నారు.