Posted: 05/12/2012 12:06 PM IST

మెరుపుతీగకు మరో పేరు ఐశ్వర్యరాయ్ అని అభినందనలు అందించినవారే ఇప్పుడు ఐశ్వర్యరాయ్ శరీరాకృతి పట్ల అసంతృప్తి వ్యక్తం చేస్తున్నారు.  ఈ అందాల సుందరి అమ్మ అయ్యి దాదాపు ఆరు నెలలయ్యింది. ఈ కారణంగా ఐష్ బొద్దుగా తయారయ్యారు.  ఈ కారణంగా ఐష్ బొద్దుగా తయారయ్యారు. కానీ ఆమె తర్వాత తల్లయిన లారాదత్తా ఎంచక్కా బరువు తగ్గి, ఎప్పటిలా స్లిమ్ అవ్వడంతో అందరి దృష్టి ఐష్‌పై పడింది. ఇక సినిమాలకు ఫుల్‌స్టాప్ పెట్టాలనే ఉద్దేశంతోనే తన బరువు గురించి ఐశ్వర్య పట్టించుకోవడంలేదనే వార్త ప్రచారంలో ఉంది. ఎంతైనా సెలబ్రిటీ కాబట్టి ఫిజిక్‌ని సరిగ్గా మెయిన్‌టైన్ చేయకపోతే ఏం బాగుంటుంది? అని విమర్శిస్తున్నవాళ్లూ ఉన్నారు.

ఐశ్వర్యరాయ్ అభిమానులు మాత్రం తమ అభిమాన తార త్వరలోనే సన్నబడతారనే నమ్మకం వ్యక్తం చేస్తున్నారు. ఇటీవల ఐశ్వర్య బరువు గురించి మాత్రమే కాదు.. కాన్స్ చలన చిత్రోత్సవాలు గురించి కూడా చర్చించుకుంటున్నారు. గత పదేళ్లుగా లారియల్ ఉత్పత్తికి ప్రచారకర్త హోదాలో ఐష్ కాన్స్ చిత్రోత్సవాల్లో పాల్గొంటున్నారు. అక్కడి ఎర్ర తివాచీపై హంస నడకలు నడిచి విదేశీయులతో శభాష్ అనిపించుకున్నారు కూడా. విదేశీయులకు స్లిమ్ సుందరీమణులే ఇష్టం కాబట్టి ఇన్నేళ్లూ ‘స్లిమ్ ఐశ్వర్య’ను ఆదరించారు. ఇప్పుడు బరువు పెరిగిన ఐష్‌ని ఎప్పటిలా ఆదరిస్తారా? అనే సందేహం పలువురిలో ఉంది. ఐష్‌కి కూడా ఈ అనుమానం ఉందని, అందుకే ఈ ఏడాది కాన్స్ చలన చిత్రోత్సవాలకు ఆమె వెళ్లడంలేదని కూడా ఓ వార్త వచ్చింది. కానీ ఆ వార్తలో నిజం లేదు. ఎందుకంటే ఈ చిత్రోత్సవాలకు వెళ్లడానికి ఐష్ రెడీ అవుతున్నారు. ఒంటరిగా కాదు.. తన ఆరు నెలల పాప ఆరాధ్యతో సహా ఆమె ఈ వేడుకలకు హాజరు కాబోతున్నారు. కానీ కాన్స్ వేదికపై తనొక్కరే కనిపిస్తారు. కాన్స్ చిత్రోత్సవాల్లో ఇప్పటివరకు 10సార్లు పాల్గొని 11వసారి కూడా ర్యాంప్ వాక్ చేయబోతున్నారు కాబట్టి... ఈసారి ప్రత్యేకమైన వస్త్రధారణలో, ప్రత్యేకమైన శైలిలో వాక్ చేయబోతున్నారు ఐష్‌ు. ఈ నెల 16 నుంచి 27 వరకు ఈ ఫిలిం ఫెస్టివల్స్ జరుగుతాయి. ఎప్పటిలా రెండు రోజులు ఐశ్వర్యరాయ్ ర్యాంప్ వాక్ చేయబోతున్నారు.