Posted: 05/12/2012 11:32 AM IST

సమంత ..ఒక అందమైన ఖజానా. ఆమె చేసిన సినిమాలు అన్ని విజయం సాధించాయి. ఎప్పుడో ఏదో మంచి చేసి ఉంటా. అందుకే ఇంతమంది ఆశీర్వాదం కలిగిందని చెబుతుంది.   తొలి చిత్రంతోనే తన అందచందాలతో అందర్నీ ఆకట్టుకున్న ఈ బ్యూటీ ప్రస్తుతం ఇటు టాలీవుడ్ అటు కోలీవుడ్‌లో ‘మోస్ట్ వాంటెడ్’ హీరోయిన్ అయ్యారు. ఈ క్రేజీ తార ఇటీవల తన పుట్టినరోజు జరుపుకున్నారు. ఈ సందర్భంగా లెక్కలేనన్ని ఆశీర్వాదాలు అందుకున్నారు. అందుకే సమంత పై విధంగా స్పందించారు.

ప్రస్తుతం ఆమె చేస్తున్నవన్నీ భారీ చిత్రాలే. ఆటోనగర్ సూర్య, సీతమ్మ వాకిట్లో సిరిమల్లె చెట్టు, ఎటో వెళ్లిపోయింది మనసు, ఎవడు, నందినీరెడ్డి దర్శకత్వంలో ఒక సినిమా, తమిళ చిత్రం ‘కడల్’ చిత్రాల షూటింగ్స్‌తో బిజీ బిజీగా ఉన్నారామె. ‘ఏ మాయ చేశావె’లో జెస్సీ పాత్ర ఇచ్చి, మీకు మంచి బ్రేక్ వచ్చేలా చేశారు గౌతమ్. మళ్లీ ఆయన దర్శకత్వంలో ‘ఎటో వెళ్లిపోయింది మనసు’లో నటిస్తున్నారు. ఈ చిత్రంలో మీ పాత్ర ఎలా ఉంటుంది? అనే ప్రశ్న సమంత ముందుంచితే - ‘‘జెస్సీకి, నాకు చాలా వ్యత్యాసం ఉంది. జెస్సీలో ఉన్న లక్షణాలు నాలో ఏ కోశానా లేవు. తను కాటన్ చీరలు కట్టుకుంది.  నీ ‘ఎటో వెళ్లిపోయింది మనసు’లో నేను చేసిన నిత్య పాత్ర అలా కాదు. నేనెలా ఉంటానో నిత్య కూడా అలానే ఉంటుంది. తెరపై నేను నిత్య పాత్రలో కనిపిస్తాను. కానీ నిత్య వేరు నేను వేరు కాదు. మీరు చూడబోతున్నది నన్నే. నా వ్యక్తిత్వానికి సంబంధించిన చాలా లక్షణాలు నిత్యలో ఉన్నాయి. సో.. మీరు నన్ను తెలుసుకోవాలంటే ఈ సినిమా చూస్తే చాలు’’ అని చెప్పారు.