Posted: 04/28/2012 04:53 PM IST

దేశంలో తర్వలో ప్రతిష్టాత్మకమైన రాష్ట్రపతి ఉప రాష్ట్రపతి ఎన్నికలు జరగబోతున్నాయి. ఈ రేసులో చాలా మంది ప్రముఖుల పేర్లు వినబడుతున్నాయి. కానీ తాజాగా మన రాష్ట్రగవర్నర్ నరసింహన్ కూడా ఉపరాష్ట్రపతి రేసులో ఉన్నడా అంటే అవుననే అంటున్నాయి రాజకీయ వర్గాలు.

ఇప్పటికే అభ్యర్థుల ఎంపిక పై యూపీఏ, ఎన్డీయే తరుపున ఎవరుపోటీ చేస్తారనే తర్జన భర్జన జరుగుతుంది. రాష్ట్రపతి రేసులో మాజీ రాష్ట్రపతి అయిన అబ్దుల్ కలాం పేరు ప్రముఖంగా వినబడుతోంది. యూపీఏ తరుపున ప్రస్తుత ఉపరాష్ట్రపతి పదవిలో ఉన్న అమీద్ అన్సారీని బరిలో దింపాలని కాంగ్రెస్ భావిస్తున్నట్లు సమాచారం. అమీద్ అన్సారీ ఉత్తర్ ప్రదేశ్ కి చెందిన వాడు. ఒక వేళ ఆయనకు రాష్ట్రపతి పదవి ఇస్తే.. దక్షిణ భారత దేశం నుండి ఎవరినో ఒకరిని ఉప రాష్ట్రపతిని చేయాలని కాంగ్రెస్ భావిస్తుంది. అందులో భాగంగానే కాంగ్రెస్ పెద్దలు సోనియాగాంధీకి, ప్రధానికి  విశ్వాసమిత్రుడిగా పేరు తెచ్చుకున్న మన రాష్ట్ర గవర్నర్ ఇ.ఎస్. లక్ష్మీ. నరసింహన్ ని ఎంపిక చేయాలని ఢిల్లీకి చెందిన పలువురు ప్రముఖులు కాంగ్రెస్ పెద్దలకు ప్రతిపాదిస్తున్నారని తెలుస్తుంది. మరి మన గవర్నర్ నరసింహన్ కోరిక తీరుతుందో లేదో చూడాలి.