Posted: 04/28/2012 01:56 PM IST

       ఇకమీదట.. కులం, ఆదాయ ధృవీకరణ, రిజిస్ట్రేషన్ దస్తావేజులు, భూములకు సంబంధించిన పత్రాల జారీ కొత్త పుంతలు తొక్కనుంది. అంతేకాదు, భూములకు సంబంధించిన అడంగల్, పహణీ, ఆర్ఓఆర్ 1బీ, ఎఫ్ఎంబీ సర్టిఫికేట్‌లో 15 నిమిషాలలోపే అందించనున్నారు. పలు పత్రాల కోసం ప్రభుత్వ కార్యాలయాల చుట్టూ తిరగాల్సిన పనిలేకుండా ప్రభు త్వం మీ-సేవా కేంద్రాల ఏర్పాటుకు శ్రీకారం చుట్టింది.
      మీ-సేవా కార్యక్రమాల కేంద్రాలు జిల్లాలో నేటి నుంచి ప్రారంభంకానున్నాయి. ఇవాళ (శనివారం) రాష్ట్ర ముఖ్యమంత్రి ఎన్.కిరణ్‌కుమార్‌రెడ్డి పరిగిలో మీ-సేవా కేంద్రాన్ని ప్రారంభించారు.  గతంలో ప్రజలు పలు దస్తావేజుల కోసం ఏపీ ఆన్‌లైన్‌లో ఫీజులు చెల్లించి కార్యాలయాల్లో ఈ సేవలను పొందే వారు. ప్రస్తుతం మీ-సేవా కార్యాక్రమం ద్వారా ప్రజలు తమకు కావాల్సిన దస్తావేజులు, ఇతర సర్టిఫికేట్‌లు వెంటనే ఇచ్చేందుకు ఏర్పాటు చేసింది.
       గతం లో ప్రజలు పలు సర్టిఫికెట్ల కోసం ప్రభుత్వ కార్యాలయాల చుట్టూ రోజుల తరబడి తిరిగేవారు. దీన్ని నిరోధించండానికి ప్రభుత్వం మీ-సేవా కేంద్రాలను ప్రారంభించనుంది. ఈ కేంద్రాలద్వారా మొదటి విడతలో రెవెన్యూ, రిజిస్ట్రేషన్, వ్యవసాయ, పోలీసు, పౌర సరఫరాల, రవాణా, జీహెచ్ఎంసీ,సీడీఎంఏ, విద్యుత్‌శాఖలకు సంబంధించిన సేవలు లభ్యమవుతాయి. ప్రజలకు కావాల్సిన భూములకు సంబంధించిన అడంగల్, పహణీ, ఆర్ఓఆర్1బీ, మ్యూటేషన్లు, ఈసీలు, రిజిస్ట్రేషన్ దస్తావేజులు, ఆదా యం. నివాసం, కులం, వ్యవసాయ ఆదాయ సర్టిఫికేట్‌లు తదితర పొందవచ్చు. దస్తావేజులు, సర్టిఫికెట్లను బట్టి సర్వీసు చార్జీలను వసూలు చేస్తారు. పహణీలు, అడంగల్, తదితర వాటిని నిమిషాల్లో అందజేస్తారు. ఈసీలు, భూమి రికార్డులు, మ్యూటేషన్‌లో కోసం 30 రోజుల వ్యవధిలో అందజేయనున్నారు.

...avnk