Posted: 04/20/2012 07:06 PM IST

టాలీవుడ్ లో ఎక్కువగా మీడియా ముందు కనిపించే ఎవరు అంటే ఇట్టే చెప్పేస్తారు. నిర్మాత నట్టి కుమార్ . నట్టి కుమార్ కు మీడియా అంటే ప్రాణం. ఎప్పుడు ఆయన పబ్లిక్ లో కనిపించాలని తపనపడుతుంటాడు. అలాంటి నట్టి కుమార్ కి నడ్డివిసిరారు తమిళ్ తంబిలు. రూ.6 కోట్లతో ఈ హక్కులు పొందాను. 1.2లక్షలు సాటిలైట్‌లు లభించగా, సినిమాపరంగా 1 కోటి షేర్‌ వచ్చింది. మిగిలినదంతా నష్టమే. నన్ను నమ్ముకున్న డిస్ట్రిబ్యూటర్లు చాలా లాస్‌ అయ్యారు. వారంతా లక్షల్లో నష్టం చవిచూశారు.

ఇటీవలే ధనుష్‌ నటించిన '3' సినిమాను కొలవెరి పాట మోజుతో తెలుగులో ఫ్యాన్సీ రేటు ఇచ్చి కొన్న నట్టికుమార్‌ ఇప్పుడు లబోదిబో అంటున్నాడు. తనకు జరిగిన నష్టాన్ని గురించి రజనీకాంత్‌ దృష్టికి తీసుకువస్తే... ఆ సినిమాకు తనకు సంబంధంలేదని తేల్చిచెప్పిన సంగతి తెలిసిందే. ఈ సందర్భంగా నట్టికుమార్‌ హైదరాబాద్‌లో తన ఆవేదనను వ్యక్తం చేశారు. ఈ వ్యాపారానికి రజనీకాంత్‌కు సంబంధంలేదు. అయినా, ఆయన మానవతాదృక్పథంతో స్పందించారు. ధనుష్‌ కూడా పాజిటివ్‌గా స్పందించారు. కొంతలో కొంతైనా సాయం చేస్తానని హామీ ఇచ్చారు. కానీ, చిత్ర నిర్మాత కస్తూరిరాజా మాత్రం అస్సలు పట్టించుకోవడంలేదు. ఏ మాత్రం స్పందించడంలేదు.

పైగా తనకేమీ... పట్టనట్లు వ్యవహరిస్తున్నాడు అంటూ నట్టికుమార్‌ ఆక్రోషం వెళ్ళగక్కారు.అంతా నచ్చాకనే కదా చిత్రాన్ని కొన్నది... ఎందుకిలా విమర్శిస్తున్నారన్న విలేకరి ప్రశ్నకు... కోట్ల వ్యాపారం.. నష్టం జరిగితే తెలియజేసే హక్కుంది. అయినా... తక్కువ బడ్జెట్‌తో సినిమా తీసి రూ.50 కోట్లు వ్యాపారం చేసుకున్న కస్తూరిరాజా తెలివి అభినందనీయమే. కానీ, మానవతా దృక్పథంతోనైనా స్పందించకపోవడం శోచనీయం. అయితే... ఇలా జరగడం వెనుక ఇండస్ట్రీని కొందరు వ్యక్తుల కుట్రదాగి ఉందని నట్టి ఆరోపించారు.