Posted: 04/03/2012 05:51 PM IST

            మీకు కొబ్బరి చెట్టు ఎక్కడం వచ్చా.. అయితే మీ సంపాదన నెలకు 30 వేల పైమాటే అయ్యే ఛాన్స్ ఉంది. కేరళ రాజధాని తిరువనంతపురంలో ఈ విద్య తెలిసిన వాళ్లకు యమ డిమండ్ ఉంది.  చెట్టులెక్కగలవా, పుట్టలెక్కగలవా అని మన తెలుగు సినిమాలో ఒక చెంచిత పాటపాడింది. ఇదే తరహా అర్హతలతో ఇప్పుడు డబ్బు సంపాదించుకునే అవకాశం వచ్చిపడిందన్నమాట.
         కష్ట పడి డబ్బు సంపాదించడానికి ఏదైతే నేం.. కొబ్బరిచెట్లు ఎక్కడం వస్తే చాలు నెలకు 30 వేలు సంపాదించవచ్చు అని కేరళ కార్మికులు అంటున్నారు. రోజుకు 30, 40 కొబ్బరిచెట్లు ఎక్కి కాయలు దింపడమే వీరి పని. కొబ్బరి కాయలు తీసేవారి కొరతతో వీరి కోసం ఒక వెబ్‌సైట్‌ కూడా ఏర్పాటైంది. ఇందులో ఈ కార్మికులు తమ పేర్లు నమోదు చేసుకుని ముందస్తుగా పని సంపాదించుకుంటున్నారట.
         అంతేకాదు, ఒక కొబ్బరితోట నుంచి మరో తోటకు వెళ్లే సమయం ఆదా చేసుకోవడానికి కారులో వెళుతున్నారట. బావుందికదూ..ఈ ఉద్యోగం..

...avnk