Posted: 03/31/2012 04:40 PM IST

వారాహి చలనచిత్రం పతాకంపై సాయి కొర్రపాటి నిర్మాతగా, డి. సురేష్ బాబు సమర్పణలో రాజమౌళి దర్శకత్వంలో నాని, సమంత, సుదీప్ ప్రధాన పాత్రధారులు రూపొందిన ‘ఈగ’ చిత్రం ఆడియో విడుదల కార్యక్రమం అట్టహాసంగా జరిగింది. దర్శకరత్న దాసరి ఆడియో తొలి సీడీని ఆవిష్కరించారు. ప్రముఖ నిర్మాత డి. రామానాయుడు వారాహి చలన చిత్రం బ్యానర్‌ను ప్రారంభించారు. ఈ సంద్భంగా దాసరి మాట్లాడుతూ ఒక ఈటీ, ఒక రోబో సినిమాలా...‘ఈగ’ చిత్రం కూడా సెన్షేషన్ సృష్టించి, కమర్షియల్‌గా భారీ విజయం సాధిస్తుందనే నమ్మకం ఉందన్నారు.

రాజమౌళి కుటుంబానికి సినిమానే జీవితం, ఎవరి అండదండలు లేకుండా స్వశక్తితో అగ్రస్థానికి ఎదిగారని ప్రశంసించారు. అగ్రహీరోలంతా రాజమౌళి దర్శకత్వంలో చేయాలని కోరుకుంటున్నారంటే అతను ఏ స్థాయికి ఎదిగాడో అర్థం చేసుకోవచ్చున్నారు. దర్శకుడిగా తనకంటూ ఓ ముద్రవేసుకుని, హీరోలకు ధీటుగా నిలబడ్డాడన్నారు. నాగార్జున మాట్లాడుతూ కీరవాణి సంగీతం అంటే నాకు ఎంతో ఇష్టం, రాజమౌళితో ఓ సినిమా చేయాలని ఉందని తన మసులోని మాట బయటపెట్టారు. ఈ కార్యక్రమంలో వెంకటేష్, ప్రభాస్, రవితేజ, రానా, సునీల్, చిత్ర యూనిట్ సభ్యులతో పాటు పలువురు ప్రముఖులు ఈ కార్యక్రమంలో పాల్గొన్నారు.

రాజమౌళి సినిమాలకు మీ మ్యూజిక్ చాలా డిఫరెంట్, ప్రత్యేకంగా ఉంటుంది, మాకు అలాంటి మ్యూజిక్ ఎందుకు ఇవ్వడం లేదు అని కొందరు నన్ను అడిగారు... కానీ అది తెలివి తక్కువ ప్రశ్న, కీరవాణి నుంచి మీరు అలాంటి మ్యూజిక్ ఎలా రాబట్టుకుంటున్నారు అని రాజమౌళిని అడగాలి ఆ ప్రశ్న, అతనికి అంత టాలెంట్ ఉంది కాబట్టే నా నుంచి అలాంటి మ్యూజిక్ రాబట్టుకుంటున్నాడు ’ అని చెప్పారు సంగీత దర్శకుడు ఎంఎం కీరవాణి. ఈగ ఆడియో రిలీజ్ కార్యక్రమంలో ఆయన మాట్లాడుతూ కొత్తదనాన్ని ఆహ్వానించడంలో రాజమౌళి ఎప్పుడు ముందుంటారని, అందుకే అతనికి ఆ సక్సెస్, అతను నాకంటే చిన్నవాడు ఎక్కవగా పొగడకుండా ఆశీర్వదిస్తున్నారు అని వ్యాఖ్యానించారు.

ఈగ చిత్రానికి సంగీతం సమకూర్చడంతో పాటు ‘నేనే-నానీనే’ అనే పాటకు లిరక్స్ కూడా అందించారు కీరవాణి. ఈ చిత్రం ఆడియో వేల్ రికార్డ్స్ ద్వారా మార్కెట్ లోకి విడుదలయ్యాయి. ఈగ చిత్రానికి రాజమౌళి దర్శకత్వం వహించగా వారాహి చలనచిత్రం పతాకంపై సాయి కొర్రపాటి నిర్మించారు. నాని, సమంత హీరోయి హీరోయిన్లుగా, కన్నడ సూపర్ స్టార్ సుదీప్ విలన్ పాత్రలో నటించారు.