Posted: 03/23/2012 06:42 PM IST

అలూ లేదు చూలూ లేదు.. కొడుకు పేరు సోమలింగం అన్న సామెత మాదిరిగా ఇప్పటివరకు తెలంగాణ ప్రత్యేక రాష్ట్రం ఊసే లేదు. అంతలోనే తొలి ముఖ్యమంత్రి మహిళ ఏంటని అనుకుంటున్నారా? ఇది పచ్చి నిజం కాబోతుందని ప్రముఖ జ్యోతిష్య పండితుడు దామోదర శర్మ అంటున్నారు. ఈ ఏడాది ఆకరు కల్లా తెలంగాణ రాష్ట్రం ఏర్పడుతుందని, తొలి ముఖ్యమంత్రి మహిళ పగ్గాలు చేపడుతుందని ఆయన జోస్యం చెబుతున్నారు. ఉగాది సందర్భంగా హైదరాబాదులోని తెరాస పార్టీ ప్రధాన కార్యాలయం తెలంగాణ భవన్ లో టీఆర్ఎస్ మహిళ విభాగం ఆధ్వర్యంలో పంచాంగ శ్రవణ కార్యక్రమం నిర్వహించబడంది. ఈ ఏడాది గ్రహ స్థితి తెరాస చీఫ్ కేసిఆర్ మనోవాంఛ నెరవేరుతుందని చెప్పారు. అంతేకాకుండా రాష్ట్రంలో పాడి పరిశ్రమలు అభివ్రుద్ది చెందుతాయని తెలిపారు. ఈ వేడుకల్లో తెలంగాణ రాష్ట్ర సమితి మహిళా విభాగం నేతలు పాల్గాన్నారు. ఉగాది పచ్చడి అందరికీ పంచారు. అయితే ప్రస్తుతానికి తెలంగాణ నేతలంతా ఎవరి దారిలో వారు నడుస్తున్నప్పటికీ , త్వరలోనే వారంతా ఒకే తాటిపైకి వస్తారని, అంతిమ లక్ష్యం దిశగా కలిసికట్టుగా పనిచేస్తారని శర్మ చెప్పారు.

దామోదర్ శర్మ ఇలా చెప్పటంతో కేసిఆర్ మనసులో కొత్త ఆలోచనలు పరుగులు తీశాయి. ఆయన చూపులన్ని ఒక్కసారిగా తన ముద్దుల కూతురైన కవిత మీద నిలిసాయి. తండ్రి భావాలను అర్థం చేసుకున్న కవిత మనస్సులో ఉప్పొంగిపోతు.. ఉగాది పండుగ.. కొత్తదనం ఆమె కళ్ళలో మెరుపుల రూపంలో.. అక్కడ మెరిసాయి. కేసిఆర్ ఆలోచనలను పసిగట్టిన మిగత తెలంగాణ నాయకులు కూడా .. ఆనందంతో ఉగాది పచ్చడి తిన్నట్లు తెలుస్తుంది. అయితే మొత్తం రాబోయే రోజుల్లో .. తెలంగాణ సీఎంగా.. కవితనే అనేవిధంగా తెలంగాణ భవనంలో పండుగ జరిగిందని తెలంగాణ నాయకులు అంటున్నారు.

ఈ విషయంతో రాములమ్మ ముఖం చిన్నబోయినట్లు తెలుస్తుంది. తన కంటే చిన్నదైన కవితకు ఎలా సీఎం ఇస్తారన్నా, అన్న కేసిఆర్ అన్నా ఒక్కసారి ఇటు చూడన్న.. అని విజయశాంతి ఎంత మెర పెట్టుకున్నా కేసిఆర్ మాత్రం ఒక్కసారి కూడా రాములమ్మ ముఖం చూడలేదని తెలంగాణ నాయకులు అంటున్నారు. అందువలన విజయశాంతి ఉగాది పచ్చడి తినకుండానే వెళ్లిపోయిందని తెలంగాణ నాయకులు అంటున్నారు.