Posted: 03/19/2012 06:47 PM IST

అందాల రాముడు అయిన మర్యాద రామన్న పై డి. రామానాయుడు కన్ను పడింది. సునీల్ హీరోగా రీసెంట్ గా చేసిన పూలరంగడు సినిమా సునీల్ కేరియర్ ఎంతో ఉపయోగపడింది. ఆ సినిమాల నటన చూసిన పెద్ద పెద్ద దర్శకుడు సునీల్ తో సినిమా తీయ్యాలని క్యూ కడుతున్నట్లు తెలిసింది. అయితే ఈ మద్య కాలంలో సునీల్ పై అనేక రూమర్స్ వచ్చాయి. సునీల్ రేటు పెంచాడని, తన సినిమా కు అంత రేటు ఇస్తేగానీ.. నేను సినిమా చేయానని, సునీల్ అన్నట్లు ఫిలింనగర్ సర్కిల్ లో పుకార్లు షికారు చేశాయి. అలాంటి పుకార్లుకు సునీల్ చెక్ పెట్టినట్లు తెలుస్తుంది. సురేష్ ప్రొడక్షన్ లో సినిమా చేయటానికి సునీల్ ఒప్పుకున్నాడని తెలియడంతో ..సునీల్ మీద వచ్చిన పుకార్లు గాలిలో కలిసిపోయినట్లు టాలీవుడ్ వర్గాలు అంటున్నాయి.

సునీల్‌ హీరోగా సురేష్‌ ప్రొడక్షన్స్‌ సినిమా ప్రారంభమైంది. ‘కలిసుందాం రా’ ఫేం ఉదయ శంకర్‌ దర్శకుడు. డాడి.రామానాయుడు సమర్పణలో డి.సురేష్‌ బాబు నిర్మిస్తున్నారు. హీరో వెంకటేష్‌ క్లాప్‌ని వ్వగా, రామానాయుడు-రానా సంయుక్తంగా కెమెరా స్విచ్చాన్‌ చేశారు. హైదరాబాద్‌ రామానాయుడు స్టూడియో లో జరిగిన ఈ వేడుకలో డాడి.రామానా యుడు మాట్లాడుతూ- పూలరంగడు-తో హిట్‌కొట్టిన సునీల్‌తో సినిమా చేయడం ఆనందంగా ఉందన్నారు.

సురేష్‌బాబు మాట్లాడుతూ ‘‘రొమాంటిక్‌ ఎంటర్‌టైనర్‌ ఇది. కొద్దిపాటి ఫిలాసఫీ ఉంటుంది. చాలా గ్యాప్‌ తర్వాత మా సంస్థలో ఈ సినిమా చేస్తున్నాం. ‘పూల రంగడు’లో సునీల్‌ నటన అద్భుతం. ప్రతి ఫ్రేమ్‌ లోనూ కష్టించాడు’’ అన్నారు. సునీల్‌ మాట్లాడుతూ ‘‘ఈ సంస్థ లో ఎన్నో సినిమాల్లో నటించాను. తాజా కథ ‘అహనా పెళ్లంట’ స్థాయిలో ఉంది. ఆద్యంతం నవ్వించే సినిమా అవుతుంది’’ అన్నారు.