Posted: 03/10/2012 06:58 PM IST

రామ్ గోపాల్ వర్మ తన మాటలతో అందరినీ రెచ్చగొడుతున్నాడు. ఎప్పుడు ఎవరిమీదనో ఒకరిమీద వివాదాస్పద వ్యాఖ్యలు చేసే వర్మ తాజాగా రెడ్డి గారు పోయారు, బ్రాహ్మణులను కించపరచడం, జూనియర్ ఎన్టీఆర్ సినిమా పై కేసు పెడతాను అని వ్యాఖ్యానించడం తీవ్రమైన పరిణామాలకు దారితీసింది. ఇన్నిరోజులు పిచ్చి కూతలు కూస్తుంటే చూస్తు ఊరుకున్న జనం ఇప్పడు వర్మ పై తిరగబడుతున్నారు. ఇటు రెడ్డి సంఘాలు, బ్రాహ్మణ సంఘాలు తీవ్ర స్థాయిలో మండిపడుతున్నాయి. రెడ్డి సంఘం ఓ అడుగు ముందకేసి ఆయన పై ఓ సినిమా తీస్తామని ప్రకటించింది.

రామ్‌గోపాలవర్మ జీవిత చరిత్ర ఆధారంగా ‘‘వర్మగారు పోతున్నారు పిచ్చాసు పత్రికి’’టైటిల్‌ పేరుతో త్వరలో సినిమా నిర్మించేందుకు ప్రయత్నిస్తున్నట్లు ఓసీ సంక్షేమ సంఘం రాష్ట్ర అధ్యక్షుడు జి.కరుణాకర్‌ రెడ్డి తెలిపారు. సినిమాను సమస్యాత్మకంగా కాకుండా సందే శాత్మకంగా తీస్తామని, త్వరలో నటీనటులు ,దర్శకుల పేర్లు వెల్లడిస్తామన్నారు. సమాజంపై సినామా ప్రబావం ఎలా ఉంటుంది. సినిమా ఫెయిల్‌ అయితే నిర్మాతలు, దర్శకులు,నటీనటులు ఎదుర్కొనే ఇబ్బందులు పరిగ ణలోకి తీసుకుని ఈ చిత్రాన్ని నిర్మిస్తున్నట్లు పేర్కొన్నారు. సినిమా తీసే ముందు రామ్‌గోపాల్‌ వర్మ తల్లిదండ్రులు, చిన్ననాటి మిత్రులను కలిసి వివరాలు సేకరిస్తామన్నారు. రెండు మాసాలలో చిత్ర నిర్మాణం ప్రారంభమై నవంబర్‌ నాటికి చిత్రం పూర్తయ్యే విధంగా ప్రణాళికసిద్దం చేసామన్నారు. ఈ సినిమాను తెలుగు,తమిళం,హిందీ భాష లలో విడుదల చేయనున్నట్లు చెప్పారు.ఈ సినిమా విజయవంతమై లాభాలు ఆర్జిస్తే వచ్చే డబ్బును రామ్‌గోపాలవర్మతో సినిమాలు తీసి నష్టపోయిన సినీ నిర్మాతలకు ఆర్థిక సాయం చేస్తామన్నారు.

అలానే బ్రాహ్మణులను కించపర్చే విధంగా సినీ దర్శకుడు రామ్‌గోపాల్‌వర్మ తన ట్విట్టర్‌లో చేసిన వ్యాఖ్యలను కృష్ణా జిల్లా బ్రహ్మణ సేవా సంఘం సమాఖ్య తీవ్రం గా ఖండించింది. 24 గంటల్లోగా బ్రాహ్మణజాతికి రామ్‌ గోపాల్‌ వర్మ క్షమాపణ చెప్పకపోతే రాష్ట్ర వ్యాప్తంగా బ్రాహ్మణ సంఘం ఆధ్వర్యంలో నిరసన తెలపడంతో పాటు ఆయన ఇంటి ముందు గాయత్రి యాగం నిర్వహించి, ఆయనకు తర్పణాలు వదులుతామని హెచ్చరించింది. ఉచిత ప్రచారం, పాపులా రిటి కోసం పిచ్చి పిచ్చి సినిమాలు తీసి ప్రజల ఛీత్కారానికి గురైన వర్మ మానసిక రుగ్మతతో బాధ పడుతున్నాడని విమర్శించారు. వర్మ చేసిన వ్యాఖ్యలను జాతీయ స్థాయిలో బ్రాహ్మణ సంఘాలకు తెలియజేసి, సినిమాలను బ్యాన్‌ చేయిస్తామని హెచ్చరించారు.

మరి ఈవిధంగా వర్మ వ్యాఖ్యలు చేస్తే తనకు దెబ్బలు తినే రోజులు కూడా వస్తాయని ఏదో ఒకరోజు వర్మను ఎవరో ఒకరు కొడతారని కూడా అనుకుంటున్నారు.