Posted: 03/01/2012 06:30 PM IST

గాలి వైఎస్ రాజశేఖర రెడ్డి తో కలిసి పేకాట ఆడాడని తెలుస్తుంది. వైఎస్ తో ఆడిన ఆటలో .అనేక సార్లు ఓడిపోయినట్లు తెలుస్తుంది. వైఎస్ తో నే కాకుండా ఆయన స్నేహితుడు అయిన కేవీపి రామచంద్రరావు తో కూడా పేకాట ఆడినట్లు .. కాంగ్రెస్ వర్గాలు చెబుతున్నాయి. అంటే ఇప్పుడు కాదు.. వైఎస్ బతికుండగా జరిగిన విషయం అని చెబుతున్నారు. ఇక్కడ గాలి అంటే ఓబులపురం గనుల గాలి జనార్థన్ కాదు...? ఆ గాలి అనుకుంటే మీరు తప్పులో కాలేసినట్లే.. అంటే టీడీపీ ఎమ్మెల్యే గాలి ముద్దు కృష్ణమనాయుడు. ఆయన అసెంబ్లీలో చమత్కరంగా చెప్పిన మాటలు.

ఒక వేళ మీరు అనుకున్నది కూడా జరిగి ఉండవచ్చు . ఎందుకంటే.. గాలి జనార్థన్ కు వైఎస్ కు మంచి సంబంధాలు ఉన్న విషయం తెలిసిందే కాబట్టి మీరు అనుకోవటంలో పొరపాటు లేదని మేము అనుకుంటున్నాం. ఇక అసలు విషయానికి వద్దాం.....
వైఎస్ రాజశేఖరరెడ్డి, కేవీపీ రామచంద్రరావుతో కూడా పేకాట ఆడానని, కానీ.. కేసుల్లో ఇరుక్కొన్నానన్న ఆరోపణ పచ్చి అబద్ధమని టీడీపీ ఎమ్మెల్యే ముద్దు కృష్ణమనాయుడు వ్యాఖ్యానించారు.

అక్కడ వేరే వ్యాపకం లేక కొందరు అధికారులతో కలిసి రిక్రియేషన్ క్లబ్బుగా ఏర్పడ్డాం. సరదాగా కాసేపు పేకాట ఆడుకొనేవాళ్ళం. అందులో డబ్బుల వంటి వ్యవహారాలేవీ ఉండేవి కావు. నా జీవితంలో ఎన్నడూ పేకాట ఆడి ఆరెస్టు కాలేదు. కాంగ్రెస్‌లో ఉన్నప్పుడు వైఎస్, కేవీపీతో కూడా పేకాట ఆడాను వివరించారు.

వెంటిలెటర్‌పై ఉన్న రాష్ట్ర ప్రభుత్వాన్ని స్పీకర్ నాదెండ్ల మనోహర్ కాపాడుతున్నారని గాలి ముద్దుకృష్ణమనాయుడు ఆరోపించారు. పార్టీ విప్‌ను ధిక్కరించి.. వైఎస్ఆర్ కాంగ్రెస్ కండువాలను ధరించి.. సభకు వస్తున్న కాంగ్రెస్ ఎమ్మెల్యేలు దమ్ముంటే డిస్‌క్వాలిఫై చేయాలనీ అంటున్నా ఇప్పటికీ వారిపై చర్య తీసుకోకపోవడం రాజ్యాంగ ఉల్లంఘనేనని గాలి అంటున్నారు.