Posted: 03/01/2012 05:56 PM IST

చిరంజీవి 150వ సినిమాకు విలన్ మరియు ప్రొడ్యూసర్ రెఢిగా ఉన్నరని తెలిసింది. త్వరలో అసెంబ్లీలో మెగా స్టార్ సినిమా విడుదల కాబోతుంది. అందులో హీరో గా చిరంజీవి, విలన్ గా బొత్స .. ఆ సినిమా ప్రొడ్యూసర్ మంత్రి గంటా శ్రీనివాసరావు అని అందరు అంటున్నారు.
పీసీసీ అధ్యక్షుడు బొత్స సత్యనారాయణ పెద్ద విలన్ అని, ఆయన్ను పెట్టి సినిమా తీస్తే సూపర్‌హిట్ కావడం ఖాయమని పెట్టుబడులు, మౌలికసదుపాయాలశాఖ మంత్రి గంటా శ్రీనివాసరావు సరదాగా వ్యాఖ్యానించారు. బొత్స భారీకాయం, శరీరాకృతి విలన్ పాత్రకు సరిగ్గా సరిపోతాయన్నారు. బొత్సను విలన్‌గా పెట్టి తీసే సినిమాలో తమ నేత చిరంజీవి హీరోగా నటిస్తే మరింత అద్భుతంగా ఉంటుందన్నారు. అసెంబ్లీ లాబీల్లో సీఎం కార్యాలయం పక్కన మంత్రి గంటా మీడియాతో ఇష్టాగోష్టిగా మాట్లాడారు. మంత్రిగా బాధ్యతలు చేపట్టాక మొదటిసారి అసెంబ్లీలో ప్రశ్నోత్తరాల కార్యక్రమంలో బాగా మాట్లాడారని సీఎం కిరణ్‌కుమార్‌రెడ్డి తనను అభినందించారని చెప్పారు. ఈ సమయంలో చర్చ సినిమాల మీదకు మళ్లినప్పుడు ఆయన సరదాగా ఈ వ్యాఖ్యలు చేశారు.

తిరుపతి శాసనసభ్యుడు చిరంజీవి హీరోగా నటించే సినిమాలో కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణను విలన్‌గా పెడితే బాగుంటారని చిరంజీవి వర్గం మంత్రి గంటా శ్రీనివాస రావు అసెంబ్లీ లాబీల్లో చలోక్తులు విసిరారు. గంటా శ్రీనివాస రావు జీన్స్ ప్యాంట్ వేసుకొని వచ్చారు. ఆయనను అసెంబ్లీ లాబీల్లో చూసిన విలేకరులు మీరు చిరంజీవితో కలిసి మల్టీస్టారర్ సినిమాలో నటించొచ్చు కదా అని సరదాగా ప్రశ్నించారు. అందుకు గంటా బొత్స పర్సనాలిటీ బాగుంటుందని, మంచి పొడుగు అని విలన్ పాత్రకు బాగుంటారని చెబుతూ చిరంజీవిని హీరోగా బొత్సను విలన్ పెట్టి ఆ సినిమా మంత్రి గంటాను ప్రొడ్యూసర్ గా పెడితే సరిపోతుందనటంతో అక్కడ నవ్వులు పూచాయి 

ఏమో రాబోయే రోజుల్లో ఈ ముగ్గురు కలిసి సినిమా చేసిన ఆశ్చర్యం లేదని కాంగ్రెస్ నాయకులు అంటున్నారు.