Posted: 02/25/2012 08:13 PM IST

టాలీవుడ్ లో నెం.1 స్థానంలో కొనసాగుతున్న మహేష్ బాబుని మెగా ప్రొడ్యూసర్ అల్లు అరవింద్ భారీ రెమ్యునరేషన్ ఇచ్చి బుక్ చేసుకున్నాడని సమాచారం. ఈ మధ్యన విడుదలైన దూకుడు, బిజినెస్ మెన్ మంచి మంచి విజయాలు సాధించి టాలీవుడ్ రికార్డులు బద్దలు కొట్టిన విషయం తెలిసిందే. అయితే మహేష్ కి ఉన్న ఫేంని, మార్కెట్ ని ఉపయోగించుకొని అల్లు అరవింద్ అతనితో ఓ భారీ అగ్రిమెంట్ కుదుర్చుకోవడానికి సిద్ధంగా ఉన్నాడని టాలీవుడ్ వర్గాల సమాచారం.ఇక పై మహేష్ ని వరుస సినిమాల్లో బుక్ చేసుకునేందుకు భారీగా రెమ్యూనరేషన్ ఆఫర్ చేశారని సమాచారం.

ఫిల్మ్ నగర్ నుంచి వినిపిస్తున్న వివరాల ప్రకారం ఇటీవల అల్లు అరవింద్ మహేష్ బాబుతో సంప్రదింపులు జరిపారని, మూడు సినిమాలకు కాంట్రాక్టు కుదుర్చుకుందామని ప్రపోజ్ చేశాడని అంటున్నారు.  కథ, డైరెక్టర్లను ఎంచుకునే ఫ్రీడం కూడా మహేష్ బాబుకే ఇస్తూ ఒక్కో సినిమాకు రూ. 15 కోట్లు చెల్లించేందుకు ఆఫర్ చేశాడని, అయితే మహేష్ బాబు మాత్రం ఇప్పటి వరకు ఎలాంటి నిర్ణయం తీసుకోలేదని, ఏ విషయం అనేది త్వరలోనే తేలుతుందని మహేష్ బాబు సన్నిహితుల నుంచి వినిపిస్తున్న సమాచారం.