Posted: 02/27/2012 01:51 PM IST

నాలుగు చక్రాల బండి... పుట్టిస్తుంది అధికారుల గుండెల్లో గుబులు... అదంటే అందరికి దడ.. దాని నెంబర్ 5678...  అదేంటో చెప్పుకోండి చూద్దాం...  కారు. ఇదేదో కొత్త పొడుపు కథలా ఉందని అనుకుంటున్నారా ? అవును కొత్త పొడుపు కథే... దీని గురించి తెలుసుకోవాలంటే ఈ స్టోరీ చదవండి....

మంత్రులు, పెద్దపెద్ద వ్యాపారవేత్తలు, మేధావులనిపించుకున్న ఐఏఎస్‌లు, కొమ్ములు తిరిగిన ఐపీఎస్‌లు.. సైతం దీనికి భయపడాల్సిందే. ఈ నెంబర్ నెంబర్ వినగానే వారికి జైల్లో ఖైధీ నెంబర్ని  గుర్తొచ్చేలా చేస్తుంది... నిత్యం టీవీల్లో ప్రముఖంగా కనిపిస్తున్న ఈ కారు నెంబర్ పాపులర్ అయిపోయింది. అవినీతి అధికారుల గుండెల్లో ఈ నెంబర్ గుబులు పుట్టిస్తుంది. అదే హైదరాబాద్ సీబీఐ అధికారుల వద్ద ఉన్న మహీంద్రా బొలెరో వాహనం. ఆర్నెల్ల కిందట... కర్ణాటక మంత్రి ఒకరిని బళ్లారి నుంచి హైదరాబాద్‌కు ఏ ముహూర్తాన మోసుకొచ్చిందోగానీ, అప్పట్నుంచీ ఎంతోమంది ప్రముఖులను మోసుకెళ్లడమే దాని పనిగా మారింది.

మంత్రులు, పెద్దపెద్ద వ్యాపారవేత్తలు, మేధావులనిపించుకున్న ఐఏఎస్‌లు, కొమ్ములు తిరిగిన ఐపీఎస్‌లు.. ఇలా వీఐపీలను మోసుకొంటూ సీబీఐ కార్యాలయానికి, అక్రమార్కుల ఇళ్లలో సోదాలకు ఎడాపెడా చక్కర్లు కొడుతోంది!! ఈ కారు వస్తోందంటే చాలు.. అటు సీబీఐ కోర్టులో సెక్యూరిటీ దగ్గరి నుంచి చంచల్‌గూడ జైలు సిబ్బంది దాకా అప్రమత్తమైపోతారు. అది ఆగీఆగకముందే చుట్టుముట్టి రక్షణ కల్పిస్తారు. టీవీల్లో నిత్యం వార్తలు చూసే చాలామందికి తెలిసిన ఈ కారు గత ఏడాది సెప్టెంబర్ 4న బళ్లారి నుంచి కర్ణాటక మంత్రి గాలి జనార్దన రెడ్డి, ఓబుళాపురం మైనింగ్ కంపెనీ ఎండీ శ్రీనివాసరెడ్డిని హైదరాబాద్‌కు మోసుకొచ్చింది. ఆ సమయంలో బళ్లారి నుంచి దారి పొడవునా టీవీ చానెళ్ల రిపోర్టర్ల సెల్‌ఫోన్లకు మహీంద్రా బొలెరో నంబర్ (ఏపీ09 బీపీ5678) మెసేజ్ రూపంలో చేరింది. ఇక్కడికొచ్చాక.. వారిద్దరినీ సీబీఐ అధికారులు ఇదే వాహనంలో కోర్టుకు, జైలుకు, కోఠిలోని సీబీఐ కార్యాలయానికి తీసుకెళ్లారు. దీంతో పదేపదే టీవీల్లో కనిపించి ఈ వాహనం తెగ పాపులర్ అయిపోయింది. అంతేనా..! ఏ పత్రిక చూసినా మొదటిపేజీలో ఆ కారు ఫోటోలే. వారిద్దరి తర్వాత ఈ కారెక్కిన మరో వీఐపీ.. దేశవిదేశాల్లోని ప్రభుత్వాలతో సంబంధాలు పెట్టుకొని వ్యాపారాలు చేసే కోనేరు ప్రసాద్. కోర్టుకు, జైలుకు, దిల్‌కుషా అతిథిగృహానికీ.. అన్నిటికీ ఆయన తిరిగింది ఈ కారులోనే!

గనులశాఖ అధికారి రాజగోపాల్‌ని.. మరో ఐఏఎస్ శ్రీలక్ష్మిని.. జగతి పబ్లికేషన్స్ వైస్‌చైర్మన్ విజయసాయిరెడ్డిని, ఎమ్మార్ ఉన్నతోద్యోగి విజయ రాఘవను సీబీఐ కోర్టుకు, చంచల్‌గూడ జైలుకు, దిల్‌కుషా అతి«థిగృహానికి మోసుకుంటూ తిరి గింది ఈ వాహనమే! సాయిరెడ్డివారికి ఈ కారులో కూర్చోగానే ఎక్కడ లేని హుషారూ వచ్చేస్తుంది. ఇందులో వెళ్లేటప్పుడు ఆయన చిరునవ్వుతో మీడి యా ప్రతినిధులకు చేయి ఊపుతారు. ఇక.. ఎర్రబుగ్గ కారులో తిరిగే హోంశా ఖ సెక్రటరీ బీపీ ఆచార్యను సైతం కోర్టుకు, నిమ్స్ ఆస్పత్రికి, బంజారాహిల్స్‌లో ఉండే జడ్జి క్వార్టర్స్‌కు, చివరకు జై..లు..కు మోసుకొచ్చిన ఘనత ఈ వాహన రాజానిదే!

అంతేకాదు.. సామాన్యులకు అంతగా తెలియని సామాన్యుడు, యువనేత అనుచరుడు సునీల్ రెడ్డి ఇంటికి ఓ వేకువజామున వెళ్లి ఆయన్ను సీబీఐ కార్యాలయానికి మోసుకొచ్చిందీ ఈ కారే. కోఠిలోని సీబీఐ కార్యాలయంలోనో.. దిల్‌కుషా అతిథి గృహం వద్దో తరచూ కనిపించే ఈ వాహనంలో సీబీఐ అధికారులు కదిలారంటే మీడియా అప్రమత్తమైపోతుంది!  కెమెరాలన్నీ దీనివైపే ఫోకస్ అవుతాయి. "ఎవర్నో తీసుకు రావడానికి దొంగలబండి (మీడియా ప్రతినిధులు పెట్టుకున్న పేరు) బయలుదేరింది. కాసేపట్లో ఏదైనా అరెస్టు జరగొచ్చు'' అంటూ ఎలక్ట్రానిక్ మీడియా ప్రతినిధులు ఫోన్లలో మెసేజ్‌లు పంపించుకుంటారు. ఫోన్‌కాల్స్ చేసి తమ పైవారిని అప్రమత్తం చేస్తారు. బైకులు స్టార్ట్‌చేసి ఆ వాహనం వెంటపడతారు. సీబీఐ గేలానికి ఏదైనా చేప చిక్కిందా... పండగే! దటీజ్ బొలెరో 5678. ఇప్పుడు ఈ వాహనాన్ని చూసిన అవినీతి నాయకులకు, అధికారులకు  ఫ్యాంట్లు కూడా తడుస్తున్నాయని మీడియా వారు అనుకుంటున్నారు.