Posted: 02/23/2012 05:43 PM IST

ప్రేమాంటే ... కలిసి ఉన్నప్పుడు .. తీపి.. విడిపోయినప్పుడు ..చేదుగా ఉండేదే ప్రేమ. తీపి చేదు అవటం అంటే ఇదే మరి. ప్రేమలో చివరి అంచుల వరకు వెళ్లి వచ్చిన వారు .. ఒక్కసారిగా.. తమ మొదటి స్థానంలోకి వచ్చారు. ప్రేమలో ఉన్న తీపినంత.. పీల్చుకుని.. చేదు జ్ఞపకాలతో .. ఒంటరిగా మిగిలిపోయారు. ఇప్పుడు ఆ ప్రేమ గుర్తులు.. చేరిపేసుకోవాటానికి అనేక తిప్పాలు పడుతున్నారు. మనస్సులో ఉన్న ప్రేమనైతే తీసివేయచ్చు గానీ.. శరీరం పై ప్రేమతో పొడిపించుకున్న పచ్చబొట్టుల ఎలా పోతుంది. అతని ప్రేమ లేనప్పుడు .. ఈ పచ్చబొట్టు ఎందుకు? అనుకుంటే ఎలా? అతను లేకపోయిన .. అతని కోసం పొడిపించుకున్న పచ్చ బొట్టు అలాగే మిగిలిపోయిందని .. ఆమె చాలా బాధపడుతుందని కోలీవుడ్ వర్గాలు అంటున్నాయి.

ప్రభుదేవాతో ప్రేమలో పడినప్పుడు నయనతార అనేక విమర్శలు ఎదుర్కొంది. చెన్నయ్‌కి చెందిన మహిళా సంఘాలైతే ఈ కేరళ భామను తమిళ నేల మీద అడుగుపెట్టనివ్వమని హెచ్చరికలు కూడా జారీ చేశాయి. ప్రభుదేవా భార్య రమలత్ జీవితంతో నయనతార ఆడుకుంటోందని కొంతమంది విమర్శించారు. వాటన్నింటినీ ఆత్మస్థయిర్యంతో తట్టుకుంది నయనతార. వ్రతం చెడ్డా ఫలితం దక్కితే బాగుండేది.

కానీ అదీ జరగలేదు. ఇటీవలే ప్రభుదేవాతో ప్రేమకు నయనతార ఫుల్‌స్టాప్ పెట్టిందనే వార్త ప్రచారంలో ఉంది. ఈ ప్రేమ మైకంలో తన సినిమా కెరీర్‌ని కూడా నాశనం చేసుకుందని ఇప్పుడు నయనతార మీద జాలి కనబరుస్తున్నవారి సంఖ్య ఎక్కువే ఉంది. ఏదేమైనా ప్రభుదేవాతో తన అనుబంధానికి సంబంధించిన విషయాలన్నింటినీ పూర్తిగా మర్చిపోవాలని ఫిక్స్ అయ్యిందట ఈ మలయాళ సుందరి. కానీ ప్రభుదేవాతో పీకల్లోతు ప్రేమలో ఉన్నప్పుడు ఎంతో ప్రేమగా చేతి మీద వేయించుకున్న టాటూ (ప్రభుదేవా పేరు) మాత్రం వెక్కిరిస్తున్నట్లుగా అనిపిస్తోందట.

అందుకని ఈ టాటూని చెరిపేయాలనే పని మీద ఉందట నయనతార. అయితే ఇది అంత సులువుగా చెరిగిపోయేది కాదని వినికిడి. దీనికి మార్గం చెప్పమని తన స్నేహితులను అడుగుతోందట నయనతార. ‘ప్లాస్టిక్ సర్జరీ’ మినహా వేరే దారి లేదని ఆమెతో అన్నారట. లేకపోతే ఆ టాటూని వేరే డిజైన్‌గా మార్పించుకోవచ్చని సలహా ఇచ్చారట. మరి.. నయనతార ఏం చేస్తుందో? ‘పచ్చబొట్టు చెరిగిపోదులే’ అని పెద్దలు ఊరికే అన్నారా మరి!