Posted: 02/16/2012 04:18 PM IST

ప్రేయసికి రోజా పువ్వు ఇస్తూ ‘ఐ లవ్యూ’ అని చెప్పినపుడు తనకు కలిగే ఆనందం ఇంకెన్ని కానకలు ఇచ్చినా రాదు. అందునా .. ప్రేమికుల రోజున ఇస్తే అది మరింత ప్రత్యేకం. గులాబీల్లో ప్రేమకు చిహ్నంగా నిలిచే ఎర్ర గులాబీ ఇవ్వడానికే ఎక్కువమంది ఇష్టపడతారు. వీటికి డిమాండ్ కూడా ఎక్కువ. అందుకే నిన్నటి రోజున ఒక గులాభీ ధర కొన్ని ప్రాంతాల్లో రూ. 100 దాకా పలికిందంటే ఆశ్చర్చమే మీ లేదు. ఇది మాత్రం పూల వ్యాపారాలకు ఆనందాన్ని కలిగించింది. లాభాలను మిగిలించింది.

ఢిల్లీ , లక్నో, జైపూర్ , జమ్మ పాటియాలా పరిసర ప్రాంతాల్లో ఒక రోజులో రూ. 10 కోట్ల విలువ గల పువ్వులు అమ్ముడుపోవడం విశేషం. ప్రేమికుల దినోత్సవం అంటే ప్రేమికులకే కాదు పూల వ్యాపారులకూ చాలా ఇష్ణమని అఖిల భారత పువ్వుల పెంపక సంఘం అధ్యక్షుడు బ్రిజ్ మోహన్ ఖనగ్వాల్ అంటున్నారు. మామూలు రోజుల కంటే రెండింతలు ఎక్కువగా విక్రయాలు జరిగాయని ఢిల్లీలోనే అతి పెద్ద పువ్వుల టోకు విక్రయ సంస్థకు చెందిన ప్రతినిధి ఒకరు తెలిపారు. అదే సమయంలో గతేడాది ప్రేమికుల రోజు కంటే ఆసారి 10 శాతం అధికంగా అమ్మకాలు జరిగాయనీ ఆయన వెల్లడించారు. వారం రోజుల ముందు నుంచే విక్రయాల్లో జోరు కనిపించడం ఈ సారి విశేషమని చెప్పుకొచ్చారు.

సాధారణ రోజులతో పోలిస్తే వేలంటైన్స్ రోజున తమ వ్యాపారంలో పది రెట్ల కనిపించిందని దేశ వ్యాప్తంగా 113 అవుట్ లెట్లను కలిగి ఉన్కన ఫెర్న్ ఎన్ ఫెటల్స్ తెలిపింది. ఢిల్లీలోని 34 అవుట్ లెట్లలోనే అత్యధిక విక్రయాలు జరిగాయని ఆ కంపెనీ వివరించింది. విక్రయమైన పువ్వుల్లో ఎర్ర గులాబీలదే అగ్రపీఠమని పేర్కొంది. బెంగళూరు, పుణెల నుంచి రోజా పూలు ఢిల్లీకి సరఫరా అవుతాయని .. ఇక థాయ్ లాండ్ , బ్యాంకాక్ ల నుంచి తెప్పించుకునే అర్చిడ్ పూలకూ డిమాండ్ ఎక్కువేనని చెబుతోంది. టోకు ధరల్లో అయితే ఒక రోజా పువ్వు రూ, 10 చొప్పున విక్రయించాం. చిల్లరగా అయితే రూ 50, 100 దాకా పలికిందని ట్రేటర్లు చెబుతున్నాయి. ఆసియాలోనే అతి పెద్ద పువ్వుల మార్కెట్ ఢిల్లీనేనన్న సంగతి తెలిసిందేజ. ఏటా భారత్ లో 1000 టన్నుల పువ్వుల ఉత్పత్తి జరుగుతుండగా .. ఇందులో చాలా భాగం ట్రేడింగ్ ఢిల్లీ పరిసర ప్రాంతాల్లోనే జరుగుతోంది. ఢిల్లీలో మొత్తం 500 దాకా పువ్వుల విక్రయ సంస్థలున్నాయి.