ఏయ్ కుర్రాళ్లూ ప్రేమికుల రోజు మీరనుకున్నంత జఠిలం కాదు, బహుమతి ఇవ్వండి, మీకూ తప్పక దొరుకుతుంది' ఇది ఈనెల 14 వాలెంటైన్స్ డే(ప్రేమికుల రోజు), అమెరికన్ సూపర్ బౌల్ సందర్భంగా అమెరికాలో 'టెలా ఫ్లోరా' అనే ఒక పూల కంపెనీ విడుదల చేసిన టీవీ వాణిజ్య ప్రకటనాంశం. మత్తెక్కించే సంగీతంతో అంతకంటే కిర్రెక్కించే చేష్టలతో ఒక అందమైన అమ్మాయితో చెప్పించిన ఈ మాటలకు అర్ధం ఈ పాటికే అవగతం అయి వుంటుంది. పచ్చిగా చెప్పాలంటే ఒక అమ్మాయికి నువ్వు ఒక బహుమతి ఇచ్చావంటే ప్రతిఫలంగా ఆ కుర్రది నీ వళ్లో వాలుతుంది అన్న సందేశాన్ని యువతీ యువకులకు చేరవేయటమే. పశ్చిమ దేశాల క్షీణ సంస్కృతికి ఇది మరో ఉదాహరణ. మహిళలను కించపరిచే ప్రకటన ఇది. పూలంటే యువతులు పడి చస్తారని, వాటిని బహుమతిగా ఇచ్చి వాళ్లను పడవేయటం సులభం అని చెప్పటంతో పాటు అంత మంచి బహుమతి ఇచ్చిన వారికి ప్రతిగా ఏదో ఒకటి ఇవ్వకపోతే ఎలా అనిపించేదిగా ఉందని అమెరికాలో విమర్శకులు ధ్వజమెత్తారు.
వాలెంటైన్స్ డేతో సహా అనేక సందర్భాలను పశ్చిమ దేశాలు వ్యాపారమయంగా మార్చివేశాయి. అమెరికాలో సూపర్ బౌల్ కూడా అలాంటిదే. పురుషాధిక్యాన్ని అడుగడుగునా ప్రదర్శించే ఈ సందర్భంగా వ్యాపార సంస్థలు రూపొందించే ప్రకటనలు జుగుప్సాకరంగా, జాత్యంహంకారం, శృంగారం పేరుతో బూతులతో కూడి ఉంటాయి. ఏటా ఫిబ్రవరి మాసం మొదటి ఆదివారం జరిగే ఫుట్బాల్ ఫైనల్స్ రోజునే సూపర్బౌల్ అంటారు. దీన్నొక జాతరగా మార్చి వేసి దాని మాటున అన్ని రకాల అసాంఘిక కార్యకలాపాలను నిర్వహిస్తున్నట్లు తేలింది. అయితే అలాంటి శక్తులతో చేతులు కలిపిన అమెరికన్ బడా మీడియాకు అవి కనపడవు.
సూపర్ బౌల్ ప్రతి ఏటా లక్ష నుంచి మూడులక్షల మంది పిల్లలను వేశ్యావృత్తిలోకి దింపుతున్నట్లు తప్పిపోయిన, దోపిడీకి గురైన పిల్లల జాతీయ కేంద్రం ప్రెసిడెంట్ ఎర్నీ అలెన్ చెప్పారు. లక్షల మందిని సూపర్బౌల్ పోటీలు ఆకర్షిస్తాయి గనుక యువతులకు వల విసిరే ముఠాలు పట్టణాలపై కేంద్రీకరిస్తాయి. అమెరికాలో సూపర్ బౌల్ సందర్భంగా పెద్ద ఎత్తున క్రయవిక్రయాలు జరుగుతాయని టెక్సాస్ అటార్నీ జనరల్ గ్రెగ్ అబోట్ వ్యాఖ్యానించాడు. పట్టణాల మధ్య తిరిగే టాక్సీలు మొబైల్ వ్యభిచార వాహనాలుగా మారిపోతాయి. సూపర్బౌల్ సందర్భంగా అమెరికాలో జరగని అక్రమాలు ఉండవు. వెర్రెక్కినట్లుగా తినటం, తాగటం, తిరగటంతో పాటు లక్షల మంది యువతులను ముఖ్య ంగా తరుణ వయస్సులో ఉన్న వారిని బల వంతంగా పడుపు వృత్తిలోకి లాగటం, మాదక ద్రవ్యాలు అలవాటు చేయటం వంటి అసాంఘిక కార్యకలాపాలు ఈ సందర్భంగా జరుగుతాయి.
అమెరికాలో కృతజ్ఞతలు తెలిపే రోజు తరువాత సూపర్బౌల్ రోజునే ఎక్కువగా అమెరికన్లు తిని, తాగుతారు. క్రీడా స్ఫూర్తి, స్నేహానికి ప్రతీకగా ప్రారంభమైన ఈ పోటీల స్వభావమే మారిపోయిందిప్పుడు. ఫైనల్స్కు వచ్చిన టీమ్లకు అటూ ఇటూ బలిసిన మిలియనీర్లు, బిలియనీర్లు చేరి జనాలను రెచ్చగొడతారు. దాదాపు పదికోట్ల మంది ఈ పోటీలకు హాజరౌతారని అంచనా. ఇంత మంది చేరతారు కనుకనే వాణిజ్యమయంగా మార్చి వేశారు. టీవీల నిండా అశ్లీల వాణిజ్య ప్రకటనలు వెల్లువెత్తుతాయి. మడోన్నా వంటి శృంగార తారల షోలు సరేసరి.
ముందే చెప్పుకున్నట్లు తిని,తాగటం విషయానికి వస్తే ఆ రోజు తినేదంతా అనారోగ్యం కలిగించే పిజ్జా, చిప్స్,చికెన్ వింగ్స్ వంటివే. 125 కోట్ల చికెన్ వింగ్స్, రెండుకోట్ల కిలోల బంగాళాదుంపల చిప్స్, ఎనిమిది కోట్ల కిలోల ఇతర చిరుతిళ్లు, పిజ్జాల సంగతి చెప్పనవసరం లేదు.
పాపాజోన్స్ కంపెనీ పదిలక్షలు, డోమినోస్ 12, పిజ్జా హట్ 20లక్షలు విక్రయించినట్లు అంచనా. ఎనిమిది కోట్ల కిలోల స్నాక్స్ విలువే వందకోట్ల డాలర్లు. దీనిని బట్టి మిగతా వ్యాపారాలు ఎన్ని వందలకోట్ల డాలర్లు జనం నుంచి వసూలు చేశాయో అర్ధం చేసుకోవచ్చు. ఇది తిండి ఖర్చు మాత్రమే. ఒక్క బీరు అమ్మకాలే వెయ్యికోట్ల డాలర్లని, పది హేను సంవత్సరాలు దాటిన ప్రతి అమెరికన్ సగటున ఏడు బీర్లు తాగినట్లు లెక్కించారు. ఇంత పెద్ద మార్కెట్ ఉంటుంది కనుకనే మీడియా కూడా దీనిని సొమ్ము చేసుకుంది. అరనిమిషం ప్రకటన ప్రసారం చేసేందుకు 35లక్షల డాలర్లు వసూలు చేశాయి. తొమ్మిది సంవత్సరాల క్రితం ఈ మొత్తం 21లక్షల డాలర్లు ఉండేది.
ఎంత అనారోగ్యకరమైన తిండి ఆరోజు తింటారో ఒక ఫ్రొఫెసర్ లెక్కవేశారు. మూడు మాక్ అండ్ ఛీజ్ బాల్స్ తిన్నవారు 249 ఫుట్బాల్ మైదానాల చుట్టుకొలతకు సమానమైన దూరం పరుగెత్తాలి. మూడు పిజ్జా ముక్కలు తిన్నవారు 1229 నిమిషాలు ఎక్సర్సైజ్ చేయాలి. పది చిప్స్ తిన్నవారు మడోన్నా కార్యక్రమాన్ని చూస్తూ 134 నిమిషాల పాటు డ్యాన్స్ చేస్తేగాని అనవసరమైన కాలరీల శ క్తి ఖర్చు కాదట.
(And get your daily news straight to your inbox)
Jan 20 | మైనా సినిమాతో పల్లెటూరి అమాయకపు పిల్లగా కనిపించిన కేరళ కుట్టి అమలాపాల్ తరువాత మెల్లమెల్లగా వేంగం అదుకుంది. పెద్ద స్టార్ లతో కూడా సినిమాలు చేసేస్తోంది. అయితే హిట్లు ఫ్లాప్ లతో సంబంధం లేకుండానే... Read more
Nov 14 | దాసరి అంటేనే ఒక కామెంట్, దాసరి అంటేనే ఒక వివాదం అనే స్థాయిలో ఉండేది గతంలో. కానీ ఇప్పుడు దాసరి నోట మంచి మాటలు దొర్లుతున్నాయి. నిత్యం ఏదోఒక కామెంట్ చేసి వివాదంలో ఉండే... Read more
Nov 14 | ఇప్పుడు రాష్ట్రంలో సమాదులు, గుడులు కడుతున్న రాజకీయ నాయకులు పుట్టుకొస్తున్నారు. నిన్నటి వరకు సీమాంద్ర ఉద్యమంలో భాగంగా సీమాంధ్ర ప్రాంతలో .. తెలుగుదేశం పార్టీ నాయకులు కాంగ్రెస్ పార్టీ అధినేత్రి సోనియా గాంధీకి సమాదులు... Read more
Nov 14 | సినీ నటుడు రాజీవ్ కనకాల గురించి తెలియాని వారు ఎవరు ఉండటారు. నటుడుగా ఎవరికి తెలియకపోయిన బుల్లితెర యాంకర్ సుమ భర్తగా రాజీవ్ కనకాల అందరికి పరియం ఉన్నవాడే. అయితే సినీ రంగంలో రాజీవ్... Read more
Nov 13 | వర్మ నోర్ముసుకోని సినిమాలు మంచిగా తీస్తే బాగుంటుంది. లేకపోతు ఇలాగే నా చేత్తో 30 సార్లు కట్ చేస్తా? అంటూ మాఫియా ను సైతం మేనేజ్ చెయగల సత్తా ఉన్న ప్రముఖ దర్శకుడు రాంగోపాల్... Read more