Posted: 01/28/2012 03:02 PM IST

అతడిని చూస్తే చాలు 1000 రూపాయాల నోటు .. గజగజ వణికిపోతుందట. ఇక 500 నోటు అయితే చెప్పనక్కర్లేదు అపాటికే సగం తడిసిపోతుందట. అతని పేరు వినగానే .. భూమిలో ఉన్న బంగారం సైతం బయటకు వచ్చి .. అతని కాళ్ల మీద ఉంటుందట. అతను ఒక్క రోజు పెట్టే ఖర్చుమీద ఒక సామన్య కుటుంబం 365 రోజులు ఆనందంగా గడిపేస్తుందట. అంటే ఆ లెక్కన అతను సామాన్యుడు కాదని అర్థమై ఉండాలి. ఒకప్పడు అతను అత్యంత ఖరీదైన వ్యక్తి. అతని బ్యాంకు ఖాతాలో కోట్లాది రూపాయలు బ్యాలెన్సులు ఉండేవి. అలాంటి అతను ఇప్పుడు కేవలం ఒక నెలకు వేల రూపాయల ఖర్చు పెట్టుకోవాల్సిన పరిస్థితి వచ్చిందట. అంటే డబ్బులు లేక కాదు. అతను ఇప్పుడు జైల్లో ఉన్నాడట.

ఓబుళాపురం గనులు కేసులో అరెస్టై జైల్లో ఉన్న గాలి జనార్థన్ రెడ్డి. గతంలో ఆయన గనుల ద్వార సంపాదించిన సొమ్ముతో ..ఆనందంగా గడుపుతూ ఉండావాడు. గాలి ఇంటి నిండ బంగారంతో నిండిపోయిందట. అలా సంపాదించిన సొమ్ముతో గాలి .. (తిరుమల వెంకటేశ్వర స్వామికి వజ్రాల కీరటం) చేయించిన ఘనత గాలి ఉందట. అలాంటి గాలి ఇప్పుడు నెలకు ఆరు వేలు మాత్రమే ఖర్చు చేశాడట. ఇది నిజంగా జరిగిందట. కేవలం జైల్లో మాత్రమే.

గాలి అరెస్టైన తరువాత నుండి జైల్లో ఉంటున్నాడు. ఆరు ఎలా ఖర్చు చేశాడు? అంటే ఈ ఆరు వేలతో గాలి జైల్లో ఉండే క్యాంటిన్ లో , వస్తువులు కొనుకున్నాడట. అయితే గాలి ఎ వస్తువులు కొనుకున్నది మాత్రం తెలియదట. గాలితో పాటు ఉన్న ఖైదీలు.. గాలి ఖర్చు పేట్టే విధానం చూసి చాలా ఆశ్చర్యపోయారట. ఒక్క రూపాయి కూడా వెస్ట్ గా ఖర్చు పెట్టకుండా .. తనకు అవసరమైన వస్తువులనే కొనుకున్నాడని తొటి ఖైదీలు అంటున్నారు.

గాలి జైలుకు వచ్చాక డబ్బును చాలా జాగ్రత్తగా వాడుతున్నారని గాలి మిత్రులు అంటున్నారు. చంచల్ గూడ జైలు ఖైదీలకు డబ్బులను దాచుకోవటానికి వ్యక్తిగత (ప్రిజనర్స్ పర్సనల్ క్యాష్ పీపీసీ) ఖాతాలు ఉంటాయట. అయితే గాలి ఖాతాలో రూ. 30 వేలు ఉన్నాయట. అప్పటి నుండి ఇప్పటి వరకు గాలి ఖర్చు పెట్టింది కేవలం ఆరు వేలనట. ఈ ఖర్చు ను చూసిన జైలు అధికారుల సైతం ఆశ్చర్యపోయారట. గాలికి ఇంత మార్పు ఎలా వచ్చిందని గాలి కుటుంబ సభ్యులకు నోట మాట రావటం లేదట.

అంటే గాలికి ముందు ముందు తన జీవితం ఎలా ఉండబోతుందో అర్థమైందని .. తోటి ఖైదీలు గుసగుసలాడుకుంటున్నారు. ఏదైన ఆయనలో వచ్చిన మార్పు మంచిదేనని కుటుంబ సభ్యులు అనుకుంటున్నారట. అంతే కాకుండా కర్ణాటక అధికారలు కూడా ఇక గాలికి డబ్బులు పంపించే పని లేదని వారు ఆనందంగా ఉన్నారని తెలుస్తుంది. అంటే గనుల తవ్వేటప్పడు ఈ అధికారులను గాలి బాగా ఆదుకున్నాడట. అందుకే ఆ ప్రేమతో గాలికి డబ్బులు ఇచ్చేవారట..