Posted: 12/14/2011 05:08 PM IST

‘ఏంమాయ చేసావె’ సినిమాతో తెలుగు తెరకు పరిచయం అయిన ‘సమంత’ తన నటనతో అందరి మనసులను గెలుచుకొని అందరి చూపులను తనవైపు తిప్పుకుంది. సమంత అందాలకు ఫిదా అయిపోయిన తెలుగు దర్శక నిర్మాతలు ఆమెకు బోలెడన్ని అవకాశాలు ఇచ్చారు. వాటిని సద్వినియోగం చేసుకొని మెల్లిమెల్లిగా పైకి ఎదిగింది. దాంతో సమంతా తెలుగు పెద్ద హీరోలతో కూడా నటించే అవకాశాల్ని దక్కించుకుంది. . జూనియర్ ఎన్టీఆర్ తో, మహేష్ బాబులతో చేసిన చిత్రాలు బంపర్ హిట్ కావడంతో ఈమె తెలుగులో టాప్ హీరోయిన్ రేంజ్ కి వచ్చేసింది.

ఇప్పుడు సమంత చేతిలో చాలా సినిమాలే ఉన్నాయి. సీతమ్మ వాకిట్లో సిరిమల్లె చెట్టు మహేష్ తో, మెగా పవర్ స్టార్ రామ్ చరణ్ తేజతో ‘ఎవడు’ చిత్రం చేస్తుంది. అయితే సమంతా అందాలకు ఫ్లాట్ అయిపోయిన పవన్ కళ్యాణ్ తన పంజాని సమంత పై విసిరాడట. ఓ సినిమా చేయాలని అనుకుని, తను తరువాత నటించబోయే సినిమా సమంతాని నటించమని తన డైరెక్టర్ తో అడిగించాడట. అయితే దీనికి సమంతా ససేమిరా అందట. నేను మీతో సినిమా చేయను. ప్రస్తుతానికి నేను మీ అబ్బాయితో చేస్తున్నాను. ఇప్పుడు మీ ప్రక్కన చేస్తే చూసేవారికి బాగుండదు అని సమంతా అనడంతో పవన్ ఖంగుతిన్నాడట.

అయినా సమంతా తో చేయాలనే కోరిక బలంగా పవన్ కళ్యాణ్ లో పాతుకుపోవడంతో.. ఆయన సమంత ని మళ్ళీ  మళ్ళీ అడిగాడట.అయినా వినకపోవడంతో ఆమెకు నచ్చజెప్పే ప్రయత్నం కూడా చేశాడట. చరణ్ తో కూడా ఓ మాట కూడా అడిగించాడని కూడా అనుకుంటున్నారు. అయినా సమంతా వినట్లేదట. నీవు మా అబ్బాయితో చేసినంత మాత్రానా ఎవరు ఏమి అనుకోరు. సినిమాలలో బందాల గురించి ఎవరూ పట్టించుకోరు. గతంలో టాప్ హీరోయిన్ అయిన శ్రీదేవి ‘అక్కినేని నాగేశ్వర రావు, నాగార్జున‘తో చేయలేదా... అంత పేరు గల హీరోయినే అలా చేస్తే తప్పు లేనిది మనిద్దం చేస్తే తప్పేంలేదు. కాబట్టి మన ఇద్దరం కలిసి నటిద్దాం రా అని పవన్ తన స్టైల్ లో చెబుతున్నాడని ఫిలింనగర్ లో అనుకుంటున్నారు.